અતિભારે વાહનોની 24 કલાક અવરજવર વચ્ચે અમરેલી-પીપાવાવ પોર્ટની અંદર સિંહ ઘુસ્યો હતો. જેનો વીડિયો સોશિયલ મીડિયા પર વાયરલ થયો છે. ત્યારે ફરી સિંહોની સુરક્ષાને લઈને સવાલો ઉઠ્યા છે.
પીપાવાવ પોર્ટની અંદર ઘુસ્યો સિંહ
વાહનોની અવરજવર વચ્ચે સિંહનું આગમન
સિંહોની સુરક્ષાને લઈ ફરી ઉઠ્યા સવાલો
ગુજરાતની આન, બાન અને શાન સમા સિંહો એક સમયે જંગલ વિસ્તાર તરફ રહેતા હતા અને ત્યાર બાદ ગ્રામ્ય વિસ્તાર તરફ વળ્યા હતા. હવે અમરેલી પંથકમાં આવેલા પીપાવાવ પોર્ટને નિવાસસ્થાન બનાવ્યું છે. જોખમી કન્ટેનરો અને ઉદ્યોગોમાં ધમધમતાં વાહનો વચ્ચે પીપવાવ પોર્ટ પર સિંહોના આંટાફેરા વધી ગયા છે. ત્યારે કોઈ મોટો અકસ્માત સર્જાઈ શકે એવી ભીતિ સેવાઈ રહી છે.
સુરક્ષાને લઈને સવાલો ઉઠ્યા
આજે વહેલી સવારે પીપાવાવ પોર્ટ કોસ્ટલ બેલ્ટ વિસ્તારમાં એક સિંહ અંદર ઘૂસી આંટાફેરા કરતો જોવા મળ્યો હતો. આ સમગ્ર ઘટના મોબાઈલમાં કેદ થતાં વીડિયો સોશિયલ મીડિયામાં વાયરલ થયો છે. અતિભારે વાહનોની 24 કલાક અવરજવર વચ્ચે અમરેલી-પીપાવાવ પોર્ટની અંદર સિંહ ઘુસ્યો હતો. જેનો વીડિયો સોશિયલ મીડિયા પર વાયરલ થયો છે. ત્યારે ફરી સિંહો સામેના જોખમી દ્રશ્યો સામે આવતા સુરક્ષાને લઈને સવાલો ઉઠ્યા છે.
ટ્રેલરના અડફેટે સિંહનું થયું હતું મોત
પીપવાવ પોર્ટ પર કન્ટેનર, ટ્રેલર, ક્રેન સહિતના વાહનોની અવરજવર રહે છે. આ સમગ્ર મામલે વનવિભાગ દ્વારા તાકીદે ગંભીરતાપૂર્વક વિચારણા કરી સિંહોની સુરક્ષામાં કોઈ પગલાં નહીં ભરાય તો પીપવાવ પોર્ટ પર મોટો અકસ્માત થવાની પૂરી શક્યતા જોવા મળી રહી છે. આપને જણાવી દઈએ કે, અગાઉ પણ પીપવાવ પોર્ટના ટ્રેલરના અડફેટે સિંહનું મોત થયું હતું.