PM મોદીના ગુજરાત પ્રવાસનો આજે બીજો દિવસ છે. તેની વચ્ચે PM મોદીની એક ઝલક માટે મોટી સંખ્યામાં લોકો રસ્તા ઉપર ઉતર્યા છે.
PM મોદીના ગુજરાત પ્રવાસનો આજે બીજો દિવસ છે.
PMની એક ઝલક માટે મોટી સંખ્યામાં લોકો રસ્તા ઉપર ઉતર્યા
PM મોદીની મુલાકાત લઈને અનેક મહિલાઓ ભાવુક થઈ
PM મોદીના ગુજરાત પ્રવાસનો આજે બીજો દિવસ છે. તેમણે રાત્રી રોકાણ ગાંધીનગર રાજભવનમાં કર્યું હતું. જે બાદ રાજભવનથી રોડ શો કરીને દહેગામમાં રક્ષા યુનિવર્સિટીમાં પદવીદાન સમારંભમાં હાજરી આપવા જઈ રહ્યાં છે. જેની વચ્ચે ભાજપના કાર્યકરો અને સ્થાનિકો PM મોદીની એક ઝલક માટે રસ્તા ઉપર ઉતર્યા છે.
PM મોદીની એક ઝલક માટે મોટી સંખ્યામાં લોકો રસ્તા ઉપર ઉતર્યા
રાજભવનથી રોડ શો કરીને દહેગામમાં રક્ષા યુનિવર્સિટીમાં પદવીદાન સમારંભમાં હાજરી આપવા જઈ રહ્યાં છે.ત્યારે વડાપ્રધાનને આવકારવા નાના બાળકોથી મોટેરા લોકોમાં ભારે ઉત્સુક્તા છે. બીજી તરફ દહેગામના એન્ટ્રી પોઇન્ટ પર જ PM મોદીને આવકારવા સ્થાનિકો ઉમટ્યા હતાં
PM મોદીની મુલાકાત લઈને અનેક મહિલાઓ ભાવુક થઈ
મહત્વનું છે કે, PM મોદીની મુલાકાતને લઈને દહેગામ સહિતના વિસ્તારોમાં અનેક મહિલાઓ ઉપસ્થિત રહી હતી. જેમાં કેટલીક મહિલાઓ PM મોદીની એક ઝલક જોવા માટે ભારે ઉત્સાહિત હતી તો કેટલીક મહિલાઓ ભાવુક થઈ ગઇ હતી તો વળી કેટલીક મહિલાઓ રડી પડી હતી. ત્યારે એક ઉત્સાહિત મહિલાએ જણાવ્યું હતું કે, PM મોદીને એક ઝલક જોવી છે. અને વર્ષ 2022ની ગુજરાતની વિધાનસભાની ચૂંટણીમાં અમે ભાજપને જ વોટ આપીશું અને જીતાડીશું
એક મહિલાએ PM મોદીને I love you કહ્યું
અન્ય એક મહિલાએ જણાવ્યું હતું કે, સાહેબ આવે છે, અમારા ઘરના આંગણે આવે છે. આખુ દહેગામ એમને ઉત્સાહભેર આવકારે છે. તેમ કહીને તેમણે વડાપ્રધાન મોદીને I love you કહી દીધું હતું.
અન્યએ PM મોદીને દિવ્ય પુરુષ ગણાવ્યા
વડાપ્રધાનની એક ઝલક દેખવા ઉત્સુક મહિલાએ PMમોદીને ભગવાન સાથે સરખાવ્યાં હતાં. તેમણે PM મોદીને દિવ્ય પુરુષ ગણાવ્યા હતાં. અને ભગવાન જગન્નાથ સાથે સરખાવ્યાં હતાં. તો વળી અન્ય એક મહિલાએ તેમને સાંઈ બાબા અને જલારામ બાપા સાથે સરખાવીને રડી પડ્યાં હતાં.