વિજળી વગરના જીવનની કલ્પના કરી છે? જો હાલના સમયમાં વિજળી જતી રહે તો લોકો કેવા હેરાન થઇ જાય છે પરંતુ આ કિસ્સો જાણીને તમે હેરાન થઇ જશો.
120 વર્ષથી ચાલુ છે આ બલ્બ
ક્યારેય નહી જોઇ હોય આવી ઘટના
2001માં બલ્બનો 100મો જન્મદિવસ ઉજવાયો
વિજળના બલ્બનો આવિષ્કાર થોમસ આલ્વા એડિસને કર્યો હતો. તે પહેલા પરંપરાગત લેમ્પની જગ્યાએ વિજળીથી ચાલનારા લેમ્પની શોધ શરૂ થઇ ગઇ હતી. જે બાદ જ એડિસને લાઇટ બલ્બની પેટન્ટ કરાવી દીધી હતી.
કોઇ પણ બલ્બ માટે કંપની 2-3 વર્ષની ગેરન્ટી આપે છે પરંતુ એક બલ્બ એવો છે જે 120 વર્ષથી સતત ચાલુ છે પરંતુ આજસુધી તે બંધ થયો નથી. તે સિવાય કેટલાક લોકો તેને ચમત્કાર માનવા લાગ્યા છે.
કેલિફોર્નિયાના લિવરમોર શહેરમાં આવેલ આ અજૂબા બલ્બને સેન્ટેનિયલ નામે ઓળખવામાં આવે છે. આ બલ્બને શેલ્બી ઇલેક્ટ્રોનિક્સ કંપનીએ બનાવ્યો તો અને તેને વર્ષ 1901માં પહેલી વાર ચાલુ કરવામાં આવ્યો હતો ત્યારથી અત્યાર સુધી આ બલ્બ ચાલી રહ્યો છે.
વર્ષ 1937માં વિજળીનો તાર બદલવા માટે તેને પહેલી વાર બંધ કરવામાં આવ્યો હતો. જે બાદ તેને ફરી ચાલુ કરી દેવામાં આવ્યો હતો. આ બલ્બની સુરક્ષા CCTV કેમેરા દ્વારા કરવામાં આવે છે. આ બલ્બને ગિનીસ બૂક ઓફ વર્લ્ડ રેકોર્ડમાં પણ સ્થાન મળ્યું છે.
ચાર વોટ વિજળીથી ચાલનાર આ બલ્બ 24 કલાક ચાલે છે અને વર્ષ 2001માં આ બલ્બનો 100મો જન્મદિવસ ધૂમધામથી ઉજવવામાં આવ્યો હતો જેમાં સંગીત પાર્ટીનું આયોજન કરવામાં આવ્યું હતુ.
આ બલ્બને જોવા માટે દૂર દૂરથી લોકો આવે છે અને શહેરમાં ભીડ થઇ જાય છે. વર્ષ 2013માં આ બલ્બ તેની જાતે જ બંધ થઇ ગયો હતો પરંતુ જ્યારે તપાસ કરવામાં આવી ત્યારે વાયર ખરાબ નીકળવાની વાત સામે આવી હતી. તેને ચેન્જ કરી દીધા બાદ બલ્બ ફરીથી ચાલુ થઇ ગયો હતો અને હજુ સુધી તે બંધ થયો નથી.