શરમજનક / મુંબઈમાં કોરિયન યુટ્યુબર સાથે થઈ છેડતી, ઘટનાનો VIDEO વાયરલ થતા પોલીસે કરી 2ની ધરપકડ

• મુંબઈમાં થઈ કોરિયન યુટ્યુબરની છેડતી 
• મહિલાનો વીડિયો સોશિયલ મીડિયા પર વાયરલ
• વીડિયો વાયરલ થયા બાદ પોલીસે કરી ધરપકડ 

મુંબઈના રોડ પર કોરિયન મહિલા યુટ્યુબરની કથિત રીતે છેડતીનો વીડિયો સોશિયલ મીડિયા પર વાયરલ થઈ રહ્યો છે. પોલીસના જણાવ્યા અનુસાર મહિલા દક્ષિણ કોરિયાની નાગરિક છે. લાઈવ સ્ટ્રીમિંગ દરમિયાન બે યુવકોએ તેની સાથે કથિત રીતે વાંધાજનક કૃત્ય કરવાનો પ્રયાસ કર્યો હતો. જોકે મહિલાએ આ મામલે કોઈ ફરિયાદ કરી નથી. પરંતુ પોલીસે આ ઘટનાની જાતે જ સંજ્ઞાન લઈ બંને યુવકોની ધરપકડ કરી હતી.

વાયરલ થયો ઘટનાનો વીડિયો 
સોશિયલ મીડિયા પર શેર કરવામાં આવેલા વીડિયોમાં એક આરોપી ખારમાં મહિલા યુટ્યુબરને તેના હાથથી ખેંચતો જોઈ શકાય છે. મહિલા પોતાને બચાવવાના પ્રયાસમાં ‘ના, ના’ બૂમો પાડી રહી છે. જે દરમિયાન આ ઘટના બની, મહિલા તેની યુટ્યુબ ચેનલ માટે લાઈવ સ્ટ્રીમિંગ કરી રહી હતી.

@MumbaiPolice A streamer from Korea was harassed by these boys in Khar last night while she was live streaming in front of a 1000+ people. This is disgusting and some action needs to be taken against them. This cannot go unpunished. pic.twitter.com/WuUEzfxTju

— Aditya (@Beaver_R6) November 30, 2022

વીડિયોમાં જોઈ શકાય છે કે યુવક મહિલાના વિરોધ બાદ પણ તેની નજીક આવવાનો પ્રયાસ કરે છે અને તેનો હાથ પકડી રહ્યો છે.

મહિલાને બાઈક પર બેસવા કરે છે ફોર્સ 
મહિલા જવા માંડે છે ત્યારે યુવક બાઇક પર અન્ય વ્યક્તિ સાથે ફરી દેખાયો હતો. બંને મહિલાને લિફ્ટ ઓફર કરે છે. મહિલા સ્પષ્ટપણે નકારે છે અને તૂટેલા અંગ્રેજીમાં કહે છે કે તેનું ઘર નજીકમાં છે.

પીડિત મહિલાએ ટ્વીટ કર્યું કે ગઈકાલે રાત્રે લાઈવ સ્ટ્રીમિંગ દરમિયાન એક યુવકે મને હેરાન કરી. મેં મારા બનતા પ્રયત્નો કર્યા કો મામલો આગળ ન વધે અને હું ત્યાંથી નિકળી જાઉ અને કેટલાક લોકોએ કહ્યું કે હું ખૂબ ફ્રેન્ડલી હોવાથી અને વાતચીત શરૂ કરવાને કારણે આવું થયું. આ ઘટનાએ મને સ્ટ્રીમિંગ વિશે ફરી વિચાર કરવા મજબૂર કર્યો છે.