Petrol Diesel Prices / વૈશ્વિક બજારમાં ક્રૂડ ઑઇલના ભાવમાં ઉછાળો થતા દેશમાં બદલાયા પેટ્રોલ-ડીઝલના ભાવ, જાણો શું છે તમારા શહેરના રેટ

• વૈશ્વિક બજારમાં કાચા તેલના ભાવમાં ઉછાળો
• બ્રેન્ટ ક્રૂડમાં 3.90 ડોલર અને WTI 4.44 ડોલરનો વધારો  
• ઓઈલ કંપનીઓએ જારી કર્યા પેટ્રોલ અને ડીઝલના નવા ભાવ

વૈશ્વિક બજારમાં કાચા તેલના ભાવમાં ઉછાળો આવ્યો છે. શનિવારે બ્રેન્ટ ક્રૂડ 3.90 ડોલર (4.12 ટકા) મોંઘુ થઈને 98.57 ડોલર પ્રતિ બેરલ અને WTI 4.44 ડોલર (5.04 ટકા) વધીને 85.05 ડોલર પ્રતિ બેરલ પર વેચાઈ રહ્યું છે. દેશમાં સરકારી ઓઈલ કંપનીઓએ પણ પેટ્રોલ અને ડીઝલના નવા ભાવ જાહેર કર્યા છે. જોકે, અહીં કિંમતોમાં કોઈ મોટો ફેરફાર જોવા મળી રહ્યો નથી.

રાજસ્થાન, મહારાષ્ટ્ર અને તમિલનાડુમાં થોડો ઘટાડો
છત્તીસગઢમાં પેટ્રોલ 0.50 રૂપિયા મોંઘુ થઈને 103.58 રૂપિયા પ્રતિ લીટર પર પહોંચી ગયું છે. જ્યારે ડીઝલ 0.49 રૂપિયાના વધારા સાથે 96.55 રૂપિયા પ્રતિ લીટરે વેચાઈ રહ્યું છે. હિમાચલ પ્રદેશમાં પેટ્રોલ 0.59 રૂપિયા વધીને 95.65 રૂપિયા અને ડીઝલ 0.50 રૂપિયા વધીને 81.91 રૂપિયા પ્રતિ લીટર થઈ ગયું છે. પંજાબમાં પેટ્રોલ અને ડીઝલ સસ્તું થયું છે. અહીં પેટ્રોલ 0.49 રૂપિયા ઘટીને 96.40 પૈસા પ્રતિ લીટર અને ડીઝલ 0.48 રૂપિયા ઘટીને 86.76 રૂપિયા પ્રતિ લીટર વેચાઈ રહ્યું છે. રાજસ્થાન, મહારાષ્ટ્ર અને તમિલનાડુમાં પણ ભાવમાં થોડો ઘટાડો થયો છે. દેશના 4 મહાનગરોમાં પેટ્રોલ અને ડીઝલના ભાવમાં કોઈ ફેરફાર થયો નથી.

4 મહાનગરોમાં પેટ્રોલ અને ડીઝલના ભાવ
- દિલ્હીમાં પેટ્રોલ 96.72 રૂપિયા અને ડીઝલ 89.62 રૂપિયા પ્રતિ લીટર
- મુંબઈમાં પેટ્રોલ 106.31 રૂપિયા અને ડીઝલ 94.27 રૂપિયા પ્રતિ લીટર
- કોલકાતામાં પેટ્રોલ 106.03 રૂપિયા અને ડીઝલ 92.76 રૂપિયા પ્રતિ લીટર
- ચેન્નાઈમાં પેટ્રોલ 102.63 રૂપિયા અને ડીઝલ 94.24 રૂપિયા પ્રતિ લીટર

આ શહેરોમાં પણ નવા ભાવ જારી
- નોઈડામાં પેટ્રોલ 97 રૂપિયા અને ડીઝલ 90.14 રૂપિયા પ્રતિ લીટર થઈ ગયું છે.
- ગાઝિયાબાદમાં 96.58 રૂપિયા અને ડીઝલ 89.75 રૂપિયા પ્રતિ લીટર થઈ ગયું છે.
- લખનઉમાં પેટ્રોલ 96.44 રૂપિયા અને ડીઝલ 89.64 રૂપિયા પ્રતિ લીટર થઈ ગયું છે.
- અમદાવાદમાં પેટ્રોલ 96.42 રૂપિયા અને ડીઝલ 92.17 રૂપિયા પ્રતિ લીટર થઈ ગયું છે.
- રાજકોટમાં પેટ્રોલ 96.19 રૂપિયા અને ડીઝલ 91.95 રૂપિયા પ્રતિ લીટર થઈ ગયું છે.

દરરોજ સવારે 6 વાગ્યે બહાર પાડવામાં આવે છે નવા ભાવ 
પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે અને નવા દર જારી કરવામાં આવે છે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન, વેટ અને અન્ય વસ્તુઓ ઉમેર્યા બાદ તેની કિંમત મૂળ કિંમત કરતા લગભગ બમણી થઈ જાય છે. આ જ કારણ છે કે આપણે આટલું મોંઘું પેટ્રોલ અને ડીઝલ ખરીદવું પડે છે.

આ રીતે જાણો તમારા શહેરમાં પેટ્રોલ-ડીઝલની કિંમત
તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.