સુરતના કડોદરા GIDCમાં આવેલી મીલમાં ભીષણ આગની ઘટના સામે આવી જેમાં બે વ્યક્તિના મોત નિપજ્યાં છે. તો 15થી વધુ લોકો દાઝી ગયા છે.
સુરતની કડોદરા GIDCમાં આગ
વિવા પેકેજીંગ મિલમાં ભીષણ આગ
એક કામદારનું ઘટનાસ્થળે મોત
સુરતના કડોદરા GIDCમાં આવેલી મીલમાં ભીષણ આગની ઘટના સામે આવી છે જેમાં બે કામદારના મોત થયા છે. આગ એટલી વિકરાળ હતી જે લોકો પોતાને બચાવવા માટે બિલ્ડિંગના પાંચમાં માળેથી નીચે ઝંપલાવતા નજરે પડ્યા હતા, વિવા પેકેજીંગ મીલમાં બિલ્ડિંગના પાંચમાં માળે આગ લાગતા અફરાતફરીનો માહોલ સર્જાતા લોકોમાં નાસભાગ મચી ગઈ હતી.
સુરતની કડોદરા GIDCમાં આગ
આગની જાણ ફાયર વિભાગને કરતા ફાયર વિભાગે મેજર કોલ જાહેર કર્યો હતો અને તુરંત જ ફાયરની 10 ગાડીઓ ઘટના સ્થળે પહોંચી ગઈ હતી અને આગને કાબૂમાં લેવાયો પ્રયાસ કર્યો હતો, જો કે વિકરાળ બનેલી આગમાં એક કામદારનું મોત નિપજ્યું છે, હજુ પણ આગ લાગવાનું કોઈ ચોક્કસ કારણ જાણવા મળ્યું નથી, પરતું આગ શોર્ટ સર્કિટના કારણે લાગી હોવાનું અનુમાન સેવાઈ રહ્યું છે.
વિવા પેકેજીંગ મિલમાં ભીષણ આગ
આગમાં બિલ્ડિંગના પાંચમાં માળે ફસાયેલા લોકોનું ફાયર વિભાગ દ્વારા રેસ્ક્યૂ કરી સુરક્ષિત રીતે બચાવી લેવાયા હતા. ફસાયેલા કામદારોને 2 હાઈડ્રોલિક ક્રેન વડે રેસ્ક્યૂ કરાયું હતું, આગની ઘટનાને પગલે આસપાસના લોકોના ટોળે ટોળા ઉમટ્યા હતા, જો કે પોલીસ દ્વારા ભીડને નિયંત્રિત કરી આગની ઘટના મામલે આગળની કાર્યવાહી હાથ ધરી છે.