જન્માષ્ટમી પર્વના દિવસે ગુજરાતમાં આગની બે ઘટનાઓ સામે આવી, અમદાવાદની ઓઢવ GIDCમાં ભીષણ આગ તો વડોદરા રિલાયન્સ કંપનીના પ્લાન્ટમાં બ્લાસ્ટ થતા લાગી આગ
અમદાવાદની ઓઢવ GIDCમાં ભીષણ આગ
એપલ વુડ ફર્નિચરમાં લાગી ભીષણ આગ
રિલાયન્સ કંપનીના પ્લાન્ટમાં થયો બ્લાસ્ટ
જન્માષ્ટમી પર્વના દિવસે ગુજરાતમાં આગની બે ઘટનાઓ સામે આવી, જેમાં અમદાવાદમાં આવેલી જીઆઈડીસીની કંપીનીમાં ભીષણ આગ લાગી હતી જ્યારે વડોદરામાં આવેલી રિલાયન્સ કંપનીના LDPE U12માં બ્લાસ્ટ થયો હતો જોકે ઘટનામાં કોઈ જાનહાનિના સમાચાર મળ્યા નથી. પરતું કંપનીમાં રહેલો સામાન બળીને ખાખ થઈ ગયો હતો.
એપલ વુડ ફર્નિચરમાં લાગી ભીષણ આગ
અમદાવાદના ઓઢવ વિસ્તારમાં આવેલી કઠવાડા GIDCમાં ભીષણ આગની ઘટના સામે આવી હતી. એપલ વુડ ફર્નિચરના ગોડાઉનમાં ભીષણ આગ લાગતા અફરા તફરીનો માહલો સર્જાયો જો કે ઘટનાની જાણ તુરંત જ ફાયરબ્રિગેડને કરાત ફાયરબ્રિગેડની 6 ગાડીઓ ઘટના સ્થળે આવી પહોંચી હતી અને ભારે જહેમત બાદ આગ પર કાબૂ મેળવ્યો હતો જો કે આગમાં કોઈ જાનહાનિ સર્જાઈ ન હતી ફાયરબ્રિગેડના અધિકારીઓના જમાવ્યા અનુસાર ફેકટરી જન્માષ્ટમીના તહેવારને લીધે બે દિવસથી બંધ હતી તેથી હાલ કોઈ જાનહાનિ સર્જાઈ નથી કે આસપાસના ગોડાઉનને નુકસાન થયું નથી.
ધનોરા ખાતે આવેલ પ્લાન્ટમાં થયો બ્લાસ્ટ
આ તરફ વડોદરામાં પણ રિલાયન્સ કંપનીના LDPE U12માં બ્લાસ્ટ થયો હોવાનું સામે આવ્યું હતું ગઈ કાલે મોડી રાત્રે ધનોર ખાતે આવેલા પ્લાન્ટમાં બ્લાસ્ટ થતા રિલાયન્સ કંપનીના કર્મચારીઓમાં ફફડાટ વ્યાપી ગયો હતો બ્લાસ્ટના કારણે કંપનીમાં આગ ફાટી નીકળી હતી ફાયરના અધિકારીઓના જણાવ્યા પ્રમાણે પ્લાન્ટ સ્ટાર્ટઅપ કરતા પ્રેશર વધતા બ્લાસ્ટ થયો હોવાનું મનાઈ રહ્યું છે જો સદનસીબે કોઈ જાનહાનિ ન સર્જાતા કંપની સંચાલકોએ પણ રાહતનો શ્વાસ લીધો હતો. ભારે જહેમત આગ પર કાબૂ મેળવાયો હતો.