બારીએ બેસવાની બાબતે બોલાચાલી થતા બે મહિલા મુસાફરો વચ્ચે વિમાનમાં ભયાનક ફાઈટ જામી હતી.
બ્રાઝિલની ફ્લાઈટમાં બે મહિલા મુસાફર વચ્ચે મારામારી
એક-બીજાએ કરી જોરદાર ફાઈટ
એક બીજાનું ટોપ ચીરી નાખ્યું
તેણે હાથથી છાતી ઢાંકવાનો આવ્યો વારો
બારીએ બેસવાની સામાન્ય વાતે પડ્યો વાંધો
બ્રાઝિલની એક ફ્લાઈટમાં તો હદ થઈ જાય તેવી બીના બની છે. ગોલ એરલાઇન્સ સાલ્વાડોરની સાઓ પાઉલોની ફ્લાઇટ જી31659ના ટેક-ઓફના થોડા સમય પહેલા જ બે પરિવારો વચ્ચે બારીએ બેસવાની બાબતે માથાકૂટ થતા ઉગ્ર ઝગડો થયો હતો.
શું બન્યું
ફ્લાઈટમાં બારીએ બેસવા જેવી નાની અમથી વાતે કેટલીક મહિલાઓ વચ્ચે બોલાચાલી થઈ હતી. થોડીવારમાં બોલાચાલીએ ઉગ્ર સ્વરુપ ધારણ કરી લીધું હતું અને પછી તો મહિલાઓ જાણે યુદ્ધનું મેદાન હોય તેમ એકબીજાની સામે ગઈ અને એકબીજા સાથે ભયાનક ફાઈટ કરી જેમાં એકે બીજાના વાળ ખેંચ્યા, એકબીજાને લાફાવાળી કરી હતી.
બ્લાઉઝ ચીરાઈ જતાં હાથથી ઢાંકવી પડી છાતી
ફાઈટ એટલી હદ થઈ કે એક મહિલાએ બીજીનું બ્લાઉઝ ફાડી નાખ્યું હતું અને તેણે હાથથી છાતી ઢાંકવાનો વારો આવ્યો હતો. આ દરમિયાન કેટલાક પ્રવાસીઓ અને કેબિન ક્રૂ વચ્ચે પડીને તેમને છોડાવવાનો પ્રયાસ કર્યો તેમ છતાં પણ તેમણે મચક આપી નહોતી અને લડવાનું ચાલુ રાખ્યું હતું.
15 બેકાબૂ મુસાફરોને વિમાનમાં ઉતારી મૂકવા પડ્યાં
લગભગ બે કલાકના વિલંબ બાદ, ક્રૂએ પરિસ્થિતિ પર કાબૂ મેળવ્યો અને વિમાનમાંથી 15 બેકાબૂ મુસાફરોને વિમાનમાંથી ઉતારી મૂકવા પડ્યાં હતા અને તે પછી જ વિમાન ઉપડી શક્યું હતું.