ખુશખબર / આ દેશમાં માત્ર 72 રૂપિયામાં મળી જશે હોટલમાં રૂમ, જાણો કેવી રીતે

• રસી લીધેલા લોકોને દેશમાં પ્રવેશવાની મંજૂરી 
• વન નાઇટ વન ડૉલર કેમ્પેઇનનો પ્રારંભ
• માત્ર 72 રૂપિયામાં મળશે તમને રૂમ

થાઇલેન્ડ ભારતના લોકોની પસંદગીની જગ્યામાંથી એક છે. ફુકેટ થાઇલેન્ડના રોમાન્ટિક શહેરોમાંથી એક છે. અલગ અલગ દેશોના લોકો હનીમૂન માટે થાઇલેન્ડ આવે છે. ફુકેટનો નજારો બધા લોકોનું દિલ જીતી લે છે. 

વેક્સિન લઇ લીધી હોય તેવા વ્યક્તિઓ પાસે ફુકેટમાં સસ્તામાં રૂમ લેવાનો ચાન્સ છે. જેના હેઠળ તમને વન નાઇટ વન ડૉલર નામના કેમ્પેનમાં ભાગ લેવાનો મોકો મળશે અને તમને 72 રૂપિયામાં રૂમ મળી શકે છે. 

આ યોજના હેઠળ હોટલના આ રૂમની કિંમત માત્ર 1 ડૉલર એટલે કે 72 રૂપિયા હશે. હોટલના કેટલાક રૂમને માત્ર 1 ડૉલરમાં ઉપલબ્ધ કરાવવામાં આવશે. 

સામાન્ય રીતે આ રૂમ 2328 રૂપિયાથી લઇને 6984 રૂપિયા વચ્ચે આપવામાં આવે છે. સૂત્રો અનુસાર આ કેમ્પેઇન સફળ સાબિત થશે તો બેન્કોક જેવા અન્ય સ્થળ પર પણ લાગૂ કરી દેવામાં આવશે. 

થાઇલેન્ડના પર્યટન ગવર્નરે પ્રેસ રિલીઝ દરમિયાન કહ્યું કે ફુકેટ ઇન્ટરનેશનલ પ્રવાસીઓને દેશમાં આવવાની અનુમતિ આપી રહ્યુ છે. 1 જુલાઇથી આંતરરાષ્ટ્રીય પ્રવાસીઓને મંજૂરી આપશે જેમણે વેક્સિન લઇ લીધી છે. 

મિડીયા રિપોર્ટ્સ અનુસાર ટીસીટીના અધ્યક્ષ ચમન શ્રીસાવતે કહ્યું કે, થાઇલેન્જડ છેલ્લા 15 મહિનાથી કોરોનાના કારણે આર્થિક સમસ્યાથી ઝઝૂમી રહ્યું છે. લાખો લોકોની સંખ્યામાં લોકો પોતાની નોકરી ગુમાવી ચૂક્યા છે. એવામાં માત્ર સામૂહિક પર્યટન જ દેશને બચાવી શકે છે.