તેલંગાણા / હૈદારબાદમાં પુરપાટ ઝડપે દોડતી કારે ફુટપાથ પર સુતા લોકોને અડફેટે લીધા, 4 ના મોત, ડ્રાયવર 9માં ધોરણમાં અભ્યાસ કરતો વિદ્યાર્થી

• હૈદરાબાદમાં સર્જાયો ગમખ્વાર અકસ્માત 
• 9માં ધોરણમાં અભ્યાસ કરતા વિદ્યાર્થીએ સર્જયો અકસ્માત 
• અકસ્માતમાં 4 લોકોના કરૂણ મોત 

તેલંગાણાના હૈદરાબાદમાં એક ગમખ્વાર અકસ્માત સર્જાયો છે. આ અકસ્માતમાં રોડ પર ચાલતી કાર અચાનકથી ફુટપાથ પર ચઢી ગઈ જેમા ફુટપાથ સુતેલા શ્રમીકો પર ગાડી ફરી વળી અને આ અકસ્માતમાં કુલ 4 લોકોના મોત થયા છે. જેમા એક 14 વર્ષીય બાળકીનું પણ કરૂણ મોત નિપજયું છે. 

Telangana | Four women died after a speeding car driven by a minor hit them. The car ran over people sitting on the footpath. A case has been registered under section 304 of IPC on the minors traveling in the car: V Satyanarayana, Karimnagar CP (30.01) pic.twitter.com/7bFUjw7tvV

— ANI (@ANI) January 31, 2022

સવારે 6.50 વાગ્યે અકસ્માત સર્જાયો 

આપને જાણીને નવાઈ લાગશે કે 9માં ધોરણમાં અભ્યાસ કરતો વિદ્યાર્થી કાર ચલાવી રહ્યો હતો જેના હાથે આ અકસ્માત થયો છે. સવારના 6.50ના સમયે આ અકસ્માત સર્જાયો હતો. વાતાવરણમાં વધારે ધુમ્મસ હોવાને કારણે સગીર સ્ટેરિંગ પરથી કાબૂ ગુમાવી બેઠો અને ડિવાઈડર સાથે ગાડી અથડાયા બાદ તેણે ત્યા સુતેલા શ્રમીકો પર ગાડી ચઢાવી દીધી હતી. 

14 વર્ષીય બાળકીનું મોત 

પોલીસના કહેવા પ્રમાણે અકસ્માતમાં એક 14 વર્ષીય બાળકીનું પણ મોત થયું છે. 1 વ્યક્તિનું ઘટના સ્થળેજ મોત થયું હતું જ્યારે અન્ય 3 લોકોને હોસ્પિટલમાં લઈ જવામાં આવી રહ્યા હતા તે સમયે તેમણે જીવ છોડી દીધો જ્યારે અન્ય બે લોકોને હોસ્પિટલ ખસેડવામાં આવ્યા છે. 

સગીરમાં 9માં ધોરણમાં અભ્યાસ કરતો વિદ્યાર્થી 

પોલીસના કહેવા પ્રમાણે સગીરે બ્રેકની જગ્યાએ એક્સિલેટર દાબી દીધું જેમના કારણે આ અકસ્માત થયો હતો. સગીર 9માં ધોરણમાં અભ્યાસ કરે છે. જે સમયે આ અકસ્માત થયો ત્યારે કારમાં તેના અન્ય 2 મિત્રો પણ હતા. જોકે અકસ્માત બાદ બધા ગાડી મુકીને ત્યાથી ભાગી છૂટ્યા હતા. 

સગીર સહિત તેના 2 મિત્રોને પોલીસે ઝડપી પાડ્યા 

ઉલ્લેખનીય છે કે સમગ્ર મામલે પોલીસે ત્રણેય સગીરને ઝડપી પાડ્યા છે. સાથેજ કારના માલિક એટલેકે બાળકના પિતાની પણ પૂછપરછ પોલીસ કરી છે. પોલીસના કહેવા પ્રમાણે જે મજૂરોના મોત થયા છે તેઓ અસ્થાયી ઝુપડીમાં રહેતા હતા જેમને પોલીસ અને નગર નિગમના અધિકારીઓ દ્વારા ત્યાથી હટાવી દેવામાં આવ્યા હતા