પ્રેમજાળ / વડોદરામાં વધુ એક લવ જેહાદની ઘટના, ધર્મપરિવર્તન અને દહેજની માંગણી સાથે યુવક અને પરિવારજનોએ કરી મારપીટ

• વડોદરામાં ધર્માંતરણનો વધુ એક કિસ્સો
• ખ્રિસ્તી બનવા યુવતીને દબાણ કરી માર મારતા
• સાસરિયા સહિત પતિ સામે નોંધાઇ ફરિયાદ

ગુજરાતમાં છેલ્લા ઘણા સમયથી ધર્મ પરિવર્તનને લઇને હિંસા થતી હોવાના કિસ્સાઓ વધી રહ્યા છે.  વડોદરામાં બિલ્ડરની પુત્રીને સેલ્વિન નામના યુવકે પ્રેમજાળમાં ફસાવીને બ્લેડના 500 ઘા મરાવ્યાની ઘટનાએ હજી તાજી છે ત્યાં જ વડોદરામાં વધુ એક આવો જ કિસ્સો સામે આવ્યો.  વડોદરાના નવાયાર્ડ વિસ્તારમાં કેલ્વિન નામના વિધર્મી યુવકે યુવતીને ખ્રિસ્તી ધર્મ અપનાવી લેવા દબાણ કર્યાની ફરિયાદ નોંધાઇ છે. 

વિધર્મી યુવકે ખ્રિસ્તી બનવા દબાણ કર્યું

ઘટનાની વિગતે વાત કરીએ તો 14 એપ્રિલ 2021ના રોજ કેલ્વિન રાઠોડ સાથે હિંદુ યુવતીના ખ્રિસ્તી રિતરિવાજ મુજબ લગ્ન થયા હતા. સાસુ-સસરા અને પતિ પત્ની સાથે રહેતા હતા. લગ્ન બાદ યુવતીએ નોકરી છોડી દીધી હતી આથી સાસુ સસરા દ્વારા નોકરી કેમ નથી કરતી તેમ કહીને પૈસાની માંગણી કરવા લાગ્યા હતા. ખ્રિસ્તી ધર્મ અપનાવવાનું કહીને યુવતી સાથે મારપીટ કરી.આ બાબતે પતિ વાકેફ હોવા છતાં તેણે કોઇ ધ્યાન આપ્યુ નહી જેથી યુવતીએ કંટાળીને આપઘાતનો પ્રયાસ કર્યો હતો. 

સાસુ-સસરા શારિરીક-માનસિક ત્રાસ આપતા

યુવતીએ આ અંગે તેના માતા પિતાને જાણ કરતા તેઓ દિકરીને પોતાના ઘરે લઇ ગયા પોલીસ ફરિયાદ નોંધાવી. જોકેત્યારબાદ બંને વચ્ચે સમાધાન થઇ ગયુ. જેના થોડા મહિનાબાદ ફરીથી સાસુ સસરા દ્વારા માનસિક અને શારિરીક ત્રાસ આપવામાં આવતો હતો. આ અંગે યુવતીએ ફરિયાદ કરતા જણાવ્યું કે તેના પતિએ તે ઊંઘતી હતી ત્યારે લાત મારીને ઉઠાડી તેમજ લાફો ઝીંકી દીધો. મને ડાયવોર્સ નથી આપતી કહી તેમ કહીને અપશબ્દો પણ કહ્યા. યુવતીએ  100 નંબર પર કોલ કરીને ફતેગંજ પોલીસ સ્ટેશનમાં પતિ અને સાસુ-સસરા સામે ફરિયાદ નોંધાવી હતી. જેને પગલે પોલીસે કેલ્વિનને હાજર થવા નોટિસ ફટકારી છે,જો5 દિવસમાં હાજર નહીં થાય તો તેની ધરપકડ કરવામાં આવશે.