ડણક / ગુજરાતના આ ગામમાં ખાટલા પર બેઠું સિંહોનું ટોળું, વાયરલ વીડિયો જોઈને કહેશો 'વાહ રજવાડું'!

• ગુજરાતમાં જંગલી જાનવરનો વિહાર 
• ગુલાબી ઠંડીમાં સિંહ-દીપડા મોજથી ફરે છે 
• બે જગ્યાએ તો કૂવામાં ખાબક્યા દીપડા 

ગુજરાતમાં  આજે જાણે વન્ય પ્રાણી દિવસ હોય તેમ અલગ-અલગ જગ્યાએ રાની પશુઓએ દેખા દીધી હતી. સૌરાષ્ટ્રના અમરેલી, ગોંડલ,ગીર સોમનાથ, ઉપરાંત મહેસાણા અને સાબર કાંઠામાં જંગલી વન્ય પ્રાણીઓ દેખાયા હતા. સૌરાષ્ટ્રમાં સિહ પરિવાર અને તો ક્યાંક દીપડાએ દેખા દીધી હતી. 

સોરઠમાં સાવજ ગરજે 

અમરેલીમાં અવાર નવાર સિંહો લટાર મારતા જોવા મળે છે.ત્યારે બગસરાના હુડલમાં 4 સિંહોનુ ટોળું ખાટલામાં બેસી ગયુ હતુ. આ દુર્લભ ઘટના કેમેરામાં કેદ થઈ હતી ત્યાર બાદ આ ફોટો ખૂબ વાયરલ થઈ રહ્યો છે. તો ગોંડલ પંથકમાં સિંહ પરિવારે ધામા નાખતા ફફડાટ વ્યાપ્યો હતો. મોડી રાત્રે અનલગઢ-લુણીવાવના રસ્તા પર સિંહની લટારનો વીડિયો સોશિયલ મીડિયામાં વાયરલ થયો છે. આ વીડિયોમાં સિંહણ બે બાળ સિંહ સાથે લટાર મારતી નજરે પડે છે

દીપડા ખાબક્યા કૂવામાં 

માત્ર સૌરાષ્ટ્ર જ નહિ પણ ઉત્તર ગુજરાતના મહેસાણા જિલ્લામાં દીપડો દેખાતા વનવિભાગે દીપડાને પકડવા માટે પાંજરૂ મુક્યું હતું. તો ગીર સોમનાથના પ્રશ્નાવડા ગામે 35 ફૂટ કૂવામાં દીપડો ખાબક્યો હતો. દીપડો કૂવામાં ખાબક્તા વનવિભાગને જાણ કરવામાં આવી હતી.દીપડાનો   રેસક્યુ કરીને  અમરાપુર એનિમલ કેર સેન્ટર ખાતે મોકલવામાં આવ્યો હતો.

સાબરકાંઠાંના વડાલીમાં મહોરપાટીયા નજીક ખેતરમાં કૂવામાં  દીપડો ખાબક્યો હતો. કૂવામાં પડેલા દીપડાને જોવા મોટી સંખ્યામાં  લોકો ઉમટી પડ્યા હતા. કૂવામાં પડેલા દીપડાને ભારે  ભારે જેહમત બાદ  રેસ્કયુ કરીને બહાર કાઢવામાં આવ્યો હતો.