અમદાવાદ / વૅક્સિન લઈ લો વૅક્સિન, ગુજરાતના આ હેલ્થકર્મીએ જે કામ કર્યુ તે બદલ AMC કમિશ્નરે કર્યુ સન્માન

• અલગ અંદાજથી વેક્સિનના પ્રચાર કરતા કર્મીનું સન્માન 
• AMC કમિશ્નરે હેલ્થ કર્મચારી જગદીશ શાહનું સન્માન કરાયું
• મનપા કમિશનર મુકેશ કુમાર દ્વારા કર્મચારીનું સન્માન કરાયું

કોરોના સામેની જંગ જીતવા વેક્સિન જરૂરી છે ત્યારે વેક્સિન માટે અનોખી રીતે પ્રચાર કરતા એક યુવકનો વીડિયો ખૂબ વાયરલ થઈ રહ્યો છે, આ યુવક વીડિયોમાં કહી રહ્યો છે કે કોરોના વેક્સિન પહેલો ડોઝ, બીજો ડોઝ.. બધા લઈ ગયા.. તેમ રહી ગયા.. ચાલો આ બાજું વેક્સિન લઈ લો ભાઈ..વેક્સિન.. વેક્સિન...જીવ બચાવવાની વેક્સિન...

અલગ અંદાજથી વેક્સિનના પ્રચાર કરતા કર્મીનું સન્માન 

આ સમગ્ર વીડિયો વાયરલ થયા બાદ ખૂદ AMC કમિશ્નરે આ યુવકનું સન્માન કર્યુ છે. મહત્વનું છે હજુ કોરોનાની સંભવિત ત્રીજી લહેરનો ખતરો મંડાઈ રહ્યો છે, ત્યારે હવે રાજ્યમાં કોરોના વેક્સિન લેવા માટે સૌ કોઈને કહેવામાં આવ્યું છે, શહેરમાં કલેક્ટર દ્વારા પણ મનપા સંચાલિત તમામ જગ્યાએ વેક્સિન ફરજીયાત કરી દેવામાં આવ્યું છે, તેવામાં લોકોને વેક્સિન લેવા માટે સમજાવતો આ જગદીશ શાહનો વીડિયો વાયરલ થયો છે, જેમાં યુવકને અનોખ પ્રસારને જોવા ઘણાં લોકો વેક્સિન લેવા માટે આગળ પણ આવ્યા છે. 

AMC કમિશ્નરે હેલ્થ કર્મચારી જગદીશ શાહનું સન્માન કરાયું

કોરોના કાબૂમાં લેવા વેક્સિન જરૂરી છે ત્યારે અમદાવાદમાં સ્વાસ્થ્ય કર્મચારીનો વેક્સિન લેવા માટે પ્રચાર કરતો વીડિયો વાયરલ થયો  જે બાદ મનપાના કમિશ્નર મુકેશ કુમાર દ્વારા હેલ્થ કર્મચારી જગદીશ શાહનું સન્માન કરવામાં આવ્યું છે. લોકોને અલગ અંદાજમાં વેક્સિન લેવા માટે અપીલ કરતા આ યુવકની કામગીરીએ ખુદ મનપા કમિશનર મુકેશ કુમાર બિરદાવી છે. 

મનપા કમિશનર મુકેશ કુમાર દ્વારા કર્મચારીનું સન્માન કરાયું

અનોખી રહીતે પ્રચાર કરતા જગદીશ શાહના કહેવાથી અત્યાર સુધીમાં કુલ 17 જટેલા લોકોએ વેક્સિનનો પ્રથમ ડોઝ લીધો છે, જગદીશ શાહે વેક્સિનના પ્રચાર મામલે પૂછવામાં આવતા તેણે કહ્યું કે વેક્સિન લેવા માટે દરેક લોકોને સમજાવવું મુશ્કેલ છે દરેક લોકો વેક્સિન લેવા તૈયાર થતા નથી પરતું કેટલાક લોકો એવા પણ છે જેઓ કહે છે કે તમારો વીડિયો જોયા બાદ અમે પણ વેક્સિનનો પ્રથમ ડોઝ લીધો છે, જગદીશ શાહ, મુસાફરોની વચ્ચે જઈને વેક્સિન લેવા લોકોને અનોખી રીતે સમજાવે છે અને કોરોના સામેની જંગમાં અનોખી રીતે પ્રચાર કરે છે. જ્યારે આ વીડિયો અમદાવાદ મનપાને ધ્યાને આવ્યો તો તેને જોઈ મનપા કમિશનર મુકેશ કુમાર દ્વારા કર્મચારી જગદીશ શાહનું સન્માન કરવામાં આવ્યું છે.