Russia Ukraine Crisis / VIDEO: પૉલેન્ડમાં લોકોની મદદે આવ્યો ગુજરાતી યુવક, કહ્યું કોઈ પણ જાતની ચિંતા કરતાં નહીં

• પોલેન્ડમાં રહેતા ગુજરાતી આવ્યા વિદ્યાર્થીઓની વ્હારે
• પોલેન્ડમાં રહેતા ગુજરાતી ગૃહાંગ પટેલ મદદ માટે આવ્યા આગળ
• ગૃહાંગ પટેલે વીડિયો શેર કરી આપી માહિતી

રશિયા અને યુક્રેન યુદ્ધનો આજે છઠ્ઠો દિવસ છે. ભારતે મિશન ગંગા હેઠળ યુક્રેનમાં ફસાયેલા ભારતીયોને સ્વદેશ લાવવાનું અભિયાન વધુ તેજ કરી દીધું છે. આ દરમિયાન યુક્રેનમાં ભારતીય દૂતાવાસે ભારતીયો માટે એક અડવાઈઝ આપી દીધી છે. જેમાં તમામ ભારતીયોને કહેવામાં આવ્યું છે કે, તેઓ તાત્કાલિક ધોરણ યુક્રેનની રાજધાની કીવને ખાલી કરી દે.ભારતીય નાગરિકોએ આજના દિવસમાં કીવને ખાલી કરવું પડશે અને અન્ય કોઈ સુરક્ષિત જગ્યાએ શિફ્ટ થવા આદેશ આપી દેવામાં આવ્યા છે.ત્યારે પોલેન્ડમાં ભારતીયોની મદદે માટે ગૃહાંગ પટેલ આગળ આવ્યો છે.  

 ગૃહાંગ પટેલે વીડિયો શેર કરી આપી માહિતી

ગૃહાંગ પટેલે એક વીડિયો સોશિયલ મીડિયામાં શેર કરી માહિતી આપી હતી કે,  પોલેન્ડની સરહદે તેનાથી બનતી તમામ મદદ કરશે. ગૃહાંગ પટેલે પોતાના મોબાઈલ નંબર +48729663296 પણ જાહેર કર્યા છે. જેમાં તેણે જણાવ્યું હતું કે, કોઈપણ ભારતીયોને મદદની જરુર હોય તો સંપર્ક કરવા કહેવામાં આવ્યું છે. તેણે જણાવ્યું હતું કે, તે ભારતીયોને રહેવા જમવા સહિતની તમામ વ્યવસ્થા કરી આપશે જે કોઈપણ વિદ્યાર્થીને જરૂર હોય તો પોલેન્ડમાં અમારો સંપર્ક કરે 

યુક્રેનમાં હજી ઘણાં ભારતીય નાગરિકો અને વિદ્યાર્થીઓ ફસાયાં છે. 

ઉલ્લેખનયી છે કે, રશિયાએ જે રીતે યુક્રેન પર આક્રમણ કર્યું છે, તેને લઈને યુક્રેનમાં ભારે સંકટની ઘટી આવી પડી છે. જેમાં કેટલાય ભારતીય નાગરિકો અને વિદ્યાર્થીઓ ફસાયા છે. બીજી તરફ ભારતીય નાગરિકોને સહીસલામત પાછા લાવવા માટે ભારત સરકારે ઓપરેશન ગંગા હેઠળ સતત કાર્યરત છે.