દેશી જુગાડ / બુગાટી કાર ખરીદવા માટે કરોડો રૂપિયા ખર્ચવાની જરૂર નથી, એકવાર આ VIDEO જોઈ લેજો, તમને પણ લાગશે નવાઈ

• સોશિયલ મીડિયામાં વાયરલ થયો વીડિયો
• માટીમાંથી યુવાનોએ બનાવી કાર
• વીડિયો જોઇને બોલી ઉઠશો, વાહ..

સોશિયલ મીડિયાના માધ્યમથી લોકોમાં રહેલી ક્રિએટીવીટી બહાર આવી છે. ત્યારે સોશિયલ મીડિયામાં એક એવો વીડિયો વાયરલ થયો છે જેને જોઇને એક તમે તેની ક્રિએટીવીટીને સલામ કરી બેસશો. વીડિયોમાં કરામત કરી રહેલા યુવાનોની સર્જનાત્મકતાએ દુુનિયાભરના લોકોનું ધ્યાન પોતાની તરફ ખેંચ્યુ છે ત્યારે જાણીએ શું છે આ વીડિયોમાં 

યુવાનોની જોરદાર ક્રિએટીવીટી

સોશિયલ મીડિયામાં વાયરલ થયેલો આ વીડિયો એવો ધૂમ મચાવી રહ્યો છે કે લોકો તેને જોઇને મોંઢામાં આંગળા નાંખી રહ્યાછે કે આવુ તો કેવી રીતે. આ વીડિયોમાં ત્રણ યુવકોએ માટી અને પ્લાસ્ટિકમાંથી કરોડો રૂપિયાની કાર બનાવી છે.  

બુગાટી જેવી દેખાતી માટીની કાર

વીડિયોમાં જોઈ શકાય છે કે ત્રણ યુવકો પોતાની ક્રિએટિવિટીનું શાનદાર ઉદાહરણ રજૂ કરી રહ્યાં છે. મોટા કલાકારોને પણ તેમની સર્જનાત્મકતા જોઈને નવાઈ લાગવી જોઈએ. વીડિયોમાં જોઈ શકાય છે કે યુવકો પ્લાસ્ટિક, માટી અને ટીનની મદદથી લક્ઝુરિયસ કાર બનાવે છે. આ કાર બિલકુલ બુગાટી કાર જેવી લાગે છે. સૌથી નવાઈની વાત એ છે કે કાર ફરે પણ છે. લાખો અને કરોડો રુપિયા ખર્ચીએ ત્યારે આવી વૈભવી કાર આપણને મળે પરંતુ આ યુવાનોએ તો પોતાની સૂઝબૂઝથી માટીની કાર બનાવી છે. છેને દમદાર, બુગાટી કાર અને આ માટીની કાર જોડે જોડે ઉભી હોય તો સાચી કઇ તે ઓળખવામાં થાપ ખાઇ જશો.

પ્લાસ્ટિક અને ટીન અને માટીનો ઉપયોગ

આ વીડિયોમાં જોઈ શકાય છે કે સૌ પ્રથમ યુવાનો માટી લાવે છે. તે આ માટીનો ઉપયોગ કાર બનાવવા માટે કરે છે. યુવાનો માટી ઉપરાંત પ્લાસ્ટિક અને ટીનનો પણ ઉપયોગ કરે છે. આ પછી, તે ક્યાંકથી જગલિંગ કરીને કારનું એન્જિન લાવે છે અને પછી સર્જનાત્મકતાનું એક મહાન ઉદાહરણ રજૂ કરીને આ એન્જિનને માટીની કાર સાથે જોડે છે.

करोड़ों रु की #Bugatti खरीदने की क्या ज़रुरत है,
जब आपमें अरबों की क्रियेटिविटी और स्किल्स हों!#SkillWins pic.twitter.com/WtCmb78lAN

— Dipanshu Kabra (@ipskabra) February 9, 2022

IPS અધિકારીએ શેર કર્યો વીડિયો

જ્યારે આ દેશી જુગાડથી બનાવેલી કાર રસ્તા પરથી પસાર થાય છે ત્યારે લોકો બસ તેને જોતા જ રહી જાય છે. આ વીડિયો IPS ઓફિસર દીપાંશુ કાબરાએ પોતાના ઓફિશિયલ ટ્વિટર એકાઉન્ટ પર શેર કર્યો હતો.. આ સાથે તેમણે કેપ્શનમાં લખ્યું હતું, કે 'કરોડો રૂપિયાની બુગાટી ખરીદવાની શું જરૂર છે, જ્યારે તમારી પાસે અબજોની ક્રિએટિવિટી અને કુશળતા છે.' વીડિયો ખૂબ જ ઝડપથી જોવામાં આવી રહ્યો છે.-