અકસ્માત / બિહારના સાસારામમાં પાટા પરથી ઉતરી ગઈ માલગાડી, ગયા-હાવડા રેલ રૂટ પર ઘણી ટ્રેનો પ્રભાવિત

• બિહારમાં માલગાડી પાટા ઉપરથી ઉતરી ગઇ
• ટ્રેન ઉપરથી જતા વીજળીના કેબલને ભારે નુકસાન
• ગયા-હાવડા રેલ રૂટ પર ઘણી ટ્રેનો પ્રભાવિત

બિહારના સાસારામમાં મોટો અકસ્માત સર્જાયો છે. અહીં માલગાડીના ઘણા ડબ્બા પાટા પરથી ઉતરી જતા ડબ્બા એકબીજાની સાથે અથડાયા હતા. આ અકસ્માત દીનદયાલ ઉપાધ્યાય રેલ વિભાગના કુંભાઉ સ્ટેશન પાસે થયો છે. અકસ્માતને કારણે ઘણી ટ્રેનો પ્રભાવિત થઈ છે. આ ઘટનાની જાણ થતા જ રેલવેના ઉચ્ચ અધિકારીઓ ઘટનાસ્થળે દોડી આવ્યા છે.

રેલ વ્યવહારને પૂર્વવ્રત કરવાની કામગીરી આરંભી દેવાઇ હતી

અકસ્માતની તસવીરો પણ સામે આવી છે. ટ્રેનના ડબ્બા પાટા પરથી ઉતરી જતા ટ્રેન ઉપરના વીજળીના કેબલને ભારે નુકસાન થયું છે. એ સિવાય રેલ્વે ટ્રેકને પણ ભારે નુકસાન થયું છે. જોકે, માલગાડી હોવાના કારણે કોઈને ઈજા થઈ હોવાના અહેવાલ નથી. બીજી તરફ ટીમોએ પાટા પરથી ડબ્બા હટાવવાની કામગીરી હાથ ધરી છે. 

Chandauli, Uttar Pradesh | 20 coaches of a goods train derailed on the DDU-Gaya rail route, at around 6:30am near Kumau station (Rohtas district of Bihar) of DDU-Gaya rail route. Operations on Gaya-DDU rail section of Howrah - New Delhi rail route stalled: Indian Railway DRM DDU pic.twitter.com/DESVTdjkxq

— ANI UP/Uttarakhand (@ANINewsUP) September 21, 2022

ગયા-હાવડા રેલ રૂટ પર ઘણી ટ્રેનો પ્રભાવિત

અકસ્માત બાદ દીનદયાલ ઉપાધ્યાય જંક્શન ગયા હાવડા રેલ રૂટ પર ટ્રેનોના સંચાલનને અસર થઈ છે. દીનદયાલ ઉપાધ્યાય જંક્શન ગયા રૂટ પર ઘણી ટ્રેનોના પૈડા થંભી ગયા છે. માલગાડીના ડબ્બાને પાટા પરથી હટાવવાની કામગીરી કરવામાં આવી રહી છે, જેથી રૂટ ફરી શરૂ થઈ શકે.

રેલ વ્યવહારને પૂર્વવ્રત કરવાની કામગીરી આરંભી દેવાઇ હતી

તમને જણાવી દઇએ કે, અકસ્માતના પગલે વહેલી સવારથી જ રેલવે તરફથી રેલ વ્યવહારને પૂર્વવ્રત કરવાની કામગીરી આરંભી દેવાઇ છે. આ અકસ્માતને પગલે રેલવેના અધિકારીઓ એવું જણાવી રહ્યાં છે કે, બપોર સુધીમાં કેબલ જોડવાથી લઈને ટ્રેક સરખો થઈ શકે છે.