મોટા સમાચાર / ઉત્તરાખંડમાં ફરી મોટી હોનારત: જોશીમઠમાં Glacier તૂટ્યો, જાનહાનીના કોઇ સમાચાર નહીં

ઉલ્લેખનીય છે કે, ગ્લેશિયર તૂટ્યો હોવાની જાણકારી ભારતીય સેના દ્વારા આપવામાં આવી હતી. બોર્ડર રોડ ટાસ્ક ફોર્સના કમાન્ડર કર્નલ મનીષ કપિલે જણાવ્યું હતું કે, ચમોલી જિલ્લાના જોશીમઠ નજીક આ ગ્લેશિયર ITBPની 8 બીએન પોસ્ટની નજીક માલારી અને સુમના વચ્ચે તૂટ્યો હતો. જાણવા મળી રહ્યું છે કે, આ ગ્લેશિયર ખૂબ જ મોટો છે. 

A glacier has burst near Uttarakhand's Joshimath on India-China border: Colonel Manish Kapil, Commander, Border Road Task Force

— ANI (@ANI) April 23, 2021

જાનહાનિના કોઇ જ અહેવાલો નહીં

આ ઘટનાને પગલે મોટી હોનારત પણ થઈ શકે છે. જો કે, હજી સુધી આ અંગે વધુ કોઇ જાણકારી પ્રાપ્ત થઈ શકી નથી. તો જાનહાની થયાના પણ અહેવાલો પ્રાપ્ત થયા નથી. જો કે, આ ઘટના અંગેની માહિતી મળતા જ ITBPના જવાનો સતર્ક થયાં છે અને નીચાણવાળા વિસ્તારોમાં નજર રાખી રહ્યા છે.  

ફેબ્રુઆરી મહિનામાં અહીં જ તૂટ્યો હતો હિમખંડ  

ઉત્તરાખંડમાં ફરી એક વાર કુદરતી કોપ સર્જાયો છે. રાજ્યના ચમોલીના રેણી ગામ નજીક એક મહાકાય ગ્લેશિયર(હિમશીલા) તૂટી પડતા ભારે ખાનાખરાબી સર્જાઈ હતી. હિમશીલા તૂટી પડવાને કારણે ચમોલીના જોશીમઠ વિસ્તારની ધોળીગંગા  નદીમાં ઘોડાપૂર આવ્યું હતું.  સૌથી વધારે તબાહી ઋષિગંગા પાવર પ્રોજેક્ટની થઈ હતી.પાવર પ્રોજેક્ટમાં કામ કરતા 100-150 લોકો લાપત્તા થયા છે તથા અત્યાર સુધી 10 લોકોની લાશ મળી આવી છે. સ્થાનિક વહીવટી તંત્રને સમાચાર મળતા જ ઘટના સ્થળે રાહત કામગીરી પહોંચાડવા તજવીજ હાથ ધરી હતી. આ ઘટનાને પગલે સ્થાનિકોના ઘરને મોટાપાયે નુકસાન પહોંચ્યું છે.