બુધવારે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચેની મેચ દરમિયાન એક યુવતીનો પોતાના બોયફ્રેન્ડને પ્રપોઝ કરતો વીડિયો સોશિયલ મીડિયા પર વાયરલ થઇ રહ્યો છે.
બુધવારે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે હતી મેચ
એક યુવતીએ કર્યો પોતાના બોયફ્રેન્ડને પ્રપોઝ
વીડિયો થયો સોશિયલ મીડિયા પર વાયરલ
બુધવારે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે હતી મેચ
IPL 2022માં બુધવારે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે મુકાબલો થયો હતો. જ્યારે ચેન્નાઈ સુપર કિંગ્સની બેટિંગ ચાલી રહી હતી, તે સમયે મેદાન પર કંઈક એવું બન્યું કે આખી દુનિયાનું ધ્યાન તે તરફ ચાલ્યું ગયું. અહી એક યુવતીએ પોતાના બોયફ્રેન્ડને પ્રપોઝ કર્યું હતું.
ચેન્નાઈ સુપર કિંગ્સની બેટિંગની 11મી ઓવર ચાલી રહી હતી, તે સમયે જ ટીવી સ્ક્રીન પર આ જોડીને બતાવવામાં આવી હતી. અહી એક છોકરીએ ગોઠણ પર બેસીને પોતાના બોયફ્રેન્ડને પ્રપોઝ કર્યું હતું. પ્રપોઝલ બાદ બંનેએ એકબીજાને હગ પણ કર્યું.
યુવકે રોયલ ચેલેન્જર્સ બેંગ્લોરની જર્સી પહેરી હતી અને યુવતીએ પણ રેડ ડ્રેસ પહેરેલ હતો. જ્યારે બંનેનું પ્રપોઝલ થયું, તે સમયે ગ્રાઉન્ડ પર ઘણો અવાજ થયો અને તાળીઓ પણ વગાડવામાં આવી હતી. સાથે જ જોતજોતામાં આ વીડિયો સોશિયલ મીડિયામાં વાયરલ પણ થઇ ગયો.
જણાવી દઈએ કે આવું પહેલી વખત નથી બન્યું જ્યારે આઈપીએલની કોઈ મેચમાં આમ પ્રપોઝલ જોવા મળ્યું હોય. માત્ર દર્શકો જ નહીં, પરંતુ ખેલાડીઓનું પણ આ પ્રકારે પ્રપોઝલ જોવા મળ્યું હતું. ચેન્નું સુપર કિંગ્સનાં ખેલાડી દિપક ચાહરે ગયા વર્ષે ગ્રાઉન્ડમાં જ મેચ પૂરી થયાના તરત જ બાદ પોતાની ગર્લફ્રેન્ડને પ્રપોઝ કર્યું હતું. બંનેએ આઈપીએલ પૂરી થયા બાદ જ સગાઇ કરી હતી.