રાજસ્થાનના સિરોહી જિલ્લામાંથી એક ચોંકાવનારો કિસ્સો સામે આવ્યો છે. અહીં પોલીસે સગીર બાળકીનું અપહરણ કરીને બળાત્કાર ગુજારનાર આરોપીની ધરપકડ કરી છે.
સિરોહી જિલ્લામાંથી એક ચોંકાવનારો કિસ્સો સામે આવ્યો
પોલીસે બાળકીનું અપહરણ કરનારની ધરપકડ કરી
આરોપી પુરૂષ નહી પણ સ્રી હતો, પોલીસ પૂછપરછમાં થયો ખુલાસો
રાજસ્થાનના સિરોહી જિલ્લામાંથી એક ચોંકાવનારો કિસ્સો સામે આવ્યો છે. અહીં પોલીસે સગીર બાળકીનું અપહરણ કરીને બળાત્કાર ગુજારનાર આરોપીની ધરપકડ કરી છે. પૂછપરછ દરમિયાન, તેણે દાવો કર્યો કે તે છોકરો નથી, પરંતુ એક છોકરી છે…તેથી તે બળાત્કાર કરી શકે નહીં. પોલીસને પહેલા તો આરોપીની વાત પર વિશ્વાસ ન આવ્યો. પરંતુ તેણીએ વારંવાર પોતાને છોકરી ગણાવતાં તબીબી તપાસ કરાવવામાં આવી હતી. રિપોર્ટ આવતા પોલીસ પણ ચોંકી ઉઠી હતી.
પોલીસે શંકરને તેનાં મોં ના વર્ણનના આધારે પકડ્યો
સિરોહીમાં 28 નવેમ્બરના રોજ એક સગીર યુવતીએ પોતાના અપહરણ અને બળાત્કારનો કેસ નોંધાવ્યો હતો. તેણીએ પોલીસને જણાવ્યું કે મેડાના રહેવાસી શંકર (25 વર્ષ)એ તેનું અપહરણ કર્યું અને બે દિવસ સુધી તેના પર બળાત્કાર ગુજાર્યો. ફરિયાદના આધારે પોલીસે આરોપીની શોધખોળ શરૂ કરી હતી. પરંતુ મેડા ગામમાં શંકર નામનો કોઇ યુવક મળ્યો ન હતો. પોલીસે પીડિતાને આરોપીના ચહેરા વિશે પૂછ્યું અને 5 ડિસેમ્બરે આરોપીની ધરપકડ કરી. પોલીસ પૂછપરછમાં આરોપી શંકરે કહ્યું કે તે છોકરીને ચોક્કસ લઈ ગયો હતો, પરંતુ તેણે તેની સાથે બળાત્કાર નથી કર્યો. તેણે એવો પણ દાવો કર્યો હતો કે તે બળાત્કાર કરી શકતો નથી કારણ કે તે છોકરો નથી પરંતુ છોકરી છે.
આરોપી પુરૂષ નહી સ્રી હતો, પોલીસ પૂછપરછમાં થયો ખુલાસો
પોલીસે આરોપી પર વિશ્વાસ કર્યો ન હતો અને શંકરના દાવાને બહાનું માનીને તેને ગંભીરતાથી લીધો ન હતો. પરંતુ તે વારંવાર છોકરી હોવાનો રટણ કરી રહ્યો હતો. ત્યારે પોલીસે આરોપીની મેડિકલ તપાસ કરાવી હતી. રિપોર્ટ જોઈને પોલીસને વિશ્વાસ જ ન આવ્યો. મેડિકલ તપાસમાં શંકરનો દાવો સાચો સાબિત થયો અને તે પુરુષ નહીં પણ મહિલા છે. તેણે 3 વર્ષ પહેલા એક બાળકને જન્મ પણ આપ્યો છે. પોલીસે આક્ષેપો કરનાર યુવતી અને તેના પરિવારજનોની ફરી પૂછપરછ કરી હતી. યુવતીએ સ્વીકાર્યું કે તેણે ખોટા આક્ષેપો કર્યા છે. પોલીસે સગીર યુવતીની મેડિકલ તપાસ પણ કરાવી હતી, જેનો રિપોર્ટ આવવાનો બાકી છે.
પોલીસે બળાત્કારનો કેસ ખોટો હોવાનું માલુમ પડ્યું
તબીબી તપાસમાં આરોપી મહિલા હોવાનું બહાર આવ્યા બાદ પોલીસે બળાત્કારનો કેસ ખોટો હોવાનું માલુમ પડ્યું હતું, પરંતુ સગીર આરોપીને ફસાવવાનો ગુનો નોંધાયો હતો. આ પછી પોલીસે આરોપી મહિલાને કોર્ટમાં રજૂ કરી, જ્યાંથી તેને જેલ મોકલી દેવામાં આવી. પુરુષ તરીકે જીવતી મહિલાએ પોલીસને જણાવ્યું કે તેના માતા-પિતાનું ઘણા સમય પહેલા અવસાન થયું હતું. ભાઈએ તેને ક્યાંક વેચી દીધી હતી. ખરીદનારએ તેની સાથે લગ્ન કર્યા. તેમને ત્રણ વર્ષની પુત્રી છે. જ્યારે તેનો પતિ તેને છોડી ગયો ત્યારે તે ઘર ચલાવવા માટે છોકરા તરીકે રહેતી હતી.