સુરતમાં 12 ધોરણ અભ્યાસ કરતી જાનવી વેકરિયાએ કેનવાસ પર અનોખી પેઈન્ટિંગ બનાવી છે. જેમા તેણે કેનવાસ પર 101 ફુટની રામાયણ થીમ પર પેઈન્ટિંગ બનાવી છે.
સુરતની દિકરીએ 101 ફૂટની પેઈન્ટિંગ બનાવી
કેનવાસ પર બનાવી 101 ફૂટની પેઈન્ટિંગ
રામાયણની થીમ પર બનાવી અનોખી પેઈન્ટિંગ
સુરતમાં 12માં ધોરણમાં અભ્યાસ કરતી દીકરીએ અનોખી પેઈન્ટિંગ બનાવી છે. જેના કારણે આજે આ બાળકી ચર્ચાનું કેન્દ્ગ બની છે. આ દિકીરીનું નામ જાનવી વેકરિયા છે અને સાંભળીને તમને નવાઈ લાગશે કે તેણે કેનવાસ પર રામાયાણ થીમની પેઈન્ટીંગ બનાવી છે. જે પેઈન્ટિંગ જોઈને સૌ કોઈ મંત્રમુગ્ધ થઈ જતા હોય છે.
5 મહિનામાં બનાવી અનોખી પેઈન્ટિંગ
જાવનીએ જે પેઈન્ટિંગ બનાવી છે તે પેઈન્ટિંગની લંબાઈ 101 ફૂટ છે. જ્યારે તેની પહોળાઈ 2.5 ઈંચ છે. તે જ્યારે 9માં ધોરણમાં હતી ત્યારથીજ તેણે પેઈન્ટિંગ બનાવાની શરૂઆત કરી હતી. જોકે તેણે આજે 101 ફૂટની જે પેઈન્ટિંગ બનાવી છે તે પેઈન્ટિંગ બનાવતા તેને 5 મહિનાનો સમય લાગ્યો છે.
રામાયણ સિરીયલ જોઈને પેઈન્ટિંગ બનાવી
સ્કૂલોમાં વેકેશન પડતા જાનવીએ કેનવાસ પર પેઈન્ટિંગ બનાવાનું શરૂ કર્યું હતું. તેમે પોતાના નાના-નાની, માતા-પિતા અને દાદા-દાદીને પણ આ પેઈન્ટિંગ સાથે જોડ્યા છે. જાનવીએ રામાયણ સિરિયલ જોઈ ત્યારબાદ તેણે આ પેઈન્ટિંગ બનાવાનો વિચાર આવ્યો હતો.
પેઈન્ટિગમાં રામાયણની 15 પ્રમુખ ઘટના વર્ણવી
જે પેઈન્ટિંગ જાનવીએ બનાવી છે તે પેઈન્ટિંગની શરૂઆત રામ-જન્મથી થાય છે અને રાવણ વધ પર પેઈન્ટિંગનો અંત થાય છે. આ પેઈન્ટિંગમાં રામાયણની પ્રમુખ 15 ઘટનાનો ઉલ્લેખ કરવામાં આવ્યો છે. જેમા ગુરુકુલ, સીતાસ્વયંવર, સીતા હરણ, લંકા દહનને પેઈન્ટિંગમાં તેણે દર્શાવ્યું છે. જેમા ખુબજ સરસ રીતે તેણે દરેક ઘટનાનું વર્ણન કર્યું છે.
જંગલ અને નદીઓનો પણ પેઈન્ટિંગમાં ઉલ્લેખ
ઉલ્લેખનીય છે કે જાનવીએ જે પેઈન્ટિંગ તૈયાર કરી છે. તેમા તેણે જંગલ, વનવાસના કપડા અને મહેલને તેણે અનોખી રીતે દર્શાવ્યો છે. સાથેજ તેણે પેઈન્ટિંગમાં નાના જાનવર, પક્ષીઓ અને નદીઓ પણ બનાવી છે.