અજીબોગરીબ / ગામની એક છોકરી પ્રેમલગ્ન કરવા માટે ઘરેથી ભાગી ગઈ, તો આખા ગામે દિકરીઓના લગ્ન કરવાનો લીધો નિર્ણય

• એક છોકરી ભાગી ગઈ તો ગામે લીધો મોટો નિર્ણય
• ગામના દરેક ઘરને પોતાની દિકરીને કાબૂમાં રાખવા ચેતવણી આપી
• ગામની દરેક દિકરીના લગ્ન કરાવામાં આવશે

નેપાળના એક નાના એવા ગામમાંથી એક છોકરીએ લગ્ન કરવાના ઈરાદાથી ઘરે ભાગવાના નિર્ણયથી હવે આખા ગામની છોકરીને તેની સજા મળી રહી છે. એક રિપોર્ટમાં જણાવ્યા અનુસાર નેપાળના સિરાહામાં એક યુવતીએ પોતાની પસંદના છોકરા સાથે લગ્ન કરવા માટે ઘર છોડીને ભાગી ગઈ હતી, જેના કારણે ગામલોકોએ નિર્ણય લીધો અને ગામની દરેક દિકરી ત્યાં સુધી કે નાની નાની બાળકીઓને પણ તેના માટે થઈને સજા મળી રહી છે.

દરેક પરિવારને પોતાની દિકરીને કાબૂમાં રાખવાની આપી ચેતવણી

રિપોર્ટમાં જણાવ્યા અનુસાર સુનીતા (બદલાવેલું નામ) પોતાની મરજી મુજબ લગ્ન કરવા માટે ઘર છોડીને ભાગી ગઈ હતી, તેના કારણે તેના પરિવારને સમાજમાં ભારે સાંભળવું પડ્યું અને બદનામી થઈ તે અલગ. સાથે જે તેના પરિવારનું રાશન-પાણી પણ બંધ કરી દીધું. સિરાહાના ચંદ્રલાલપુર મ્યૂનિસિપાલિટીની એક યુવતી કમલા જણાવે છે કે, આ પિતૃસત્તાક સમાજમાં આટલુ જ નથી પણ ગામના દરેક ઘરને પોતાના ઘરની દિકરીને કાબૂમાં રાખવાની ચેતવણી આપવામાં આવી છે અને કહેવાયુ છે કે, જો આવું નહી કરે તો, આ પરિવારનો સમાજમાંથી બહિષ્કાર કરવામાં આવશે. આ ઘટના બાદ સમગ્ર ગામે પોત-પોતાની દિકરીના લગ્ન કરવાનો નિર્ણય લીધો છે. 

ગામની દરેક દિકરીઓના લગ્ન કરવાનો નિર્ણય લીધો

કમલા જણાવે છે કે, દશમાં ધોરણમાં ભણતી સુનિતાની નાની બહેનના લગ્ન ઘરવાળાની મંજૂરીથી કરવામાં આવ્યા બાદ તેના પ્રેમીએ આ છોકરીની હત્યા કરી નાખી. આ ઘટના બાદ ગામલોકોએ ગામની તમામ દિકરીઓના લગ્ન કરવાનો નિર્ણય કર્યો હતો. આ ઘટના બાદ યુવતીઓને ક્યાંય પણ જવા પર પ્રતિબંધ લગાવી દીધો હતો. આ વિસ્તારમાં કામ કરતા લોકોના જણાવ્યા અનુસાર, આ પ્રકારની ઘટનાઓ મહિલાઓની દોજખભરી જીંદગીમાં ધકેલવા માટે બનાવી રહ્યા છે. આનાથી મહિલાનું જીવન અત્યંત અસુરક્ષિત થઈ જશે.