રાજકીય સંકટ / બ્રિટનમાં થયો મહારાષ્ટ્ર જેવો ખેલ! જાણો કેમ બોરિસ જોન્સને કરવું પડ્યું ખુરશી છોડવાનું એલાન 

• બોરિસ જોન્સન મંત્રીઓએ રાજીનામાની અપીલ કરી હતી
• બોરિસ જોન્સન પર મંત્રીઓના રાજીનામાનું પણ હતું દબાણ 
• યુકેના ગૃહપ્રધાન પણ જાહેરાત કરી હતી કે તેઓ પાર્ટીના નેતા તરીકે જોન્સનને સમર્થન પાછું ખેંચી લેશે

યુનાઇટેડ કિંગડમ પણ મહારાષ્ટ્ર જેવા રાજકીય સંકટનો સામનો કરી રહ્યું છે. રાજકીય ઉથલપાથલ પણ છે. દરમિયાન, બ્રિટિશ મીડિયામાંથી એવી માહિતી આવી રહી છે કે વડાપ્રધાન બોરિસ  જોન્સન રાજીનામું આપવા તૈયાર છે.

મંત્રીઓએ રાજીનામાની અપીલ કરી હતી

તમને જણાવી દઈએ કે યુકેના નવા નાણા મંત્રી નદીમ જહાવીએ ગુરુવારે વડાપ્રધાન બોરિસ જોન્સનને રાજીનામું આપવાની અપીલ કરી હતી.તેમણે ટ્વિટર પર પોસ્ટ કરેલા નિવેદનમાં કહ્યું "વડાપ્રધાન, તમે જાણો છો કે શું કરવું યોગ્ય છે અને હવે રાજીનામું આપો," સરકાર પર સર્જાયેલા સંકટ વચ્ચે બ્રિટનના શિક્ષણ મંત્રી મિશેલ ડોનેલનનું બે દિવસ પહેલા પ્રમોશન કરવામાં આવ્યું હતું. તેમણે ગુરુવારે રાજીનામું આપતા કહ્યું કે વડાપ્રધાન બોરિસ જોન્સને તેમને "અશક્ય સ્થિતિમાં" મૂક્યા છે. તેણે કહ્યું કે મને ખૂબ જ દુઃખ છે કે આ વાત સામે આવી છે, પરંતુ એક વ્યક્તિ તરીકે જે ઈમાનદારીને સૌથી વધુ મહત્વ આપે છે, મારી પાસે કોઈ વિકલ્પ નથી.

Prime Minister: this is not sustainable and it will only get worse: for you, for the Conservative Party and most importantly of all the country. You must do the right thing and go now. pic.twitter.com/F2iKT1PhvC

— Nadhim Zahawi (@nadhimzahawi) July 7, 2022

બોરિસ જોન્સન પર મંત્રીઓના રાજીનામાનું દબાણ હતું
 
અગાઉ બુધવારે, બોરિસ જોન્સનના ટોચના સહાયકોમાંના એકે દાવો કર્યો હતો કે તે "અત્યંત ઉત્સાહિત" છે અને બ્રિટનના વડાપ્રધાન તરીકે રહેવા માટે "વિષમતાઓનો સામનો કરશે". તે જ સમયે, ગૃહમંત્રી પ્રીતિ પટેલ સહિત કેબિનેટમાં વડાપ્રધાનના ઘણા નજીકના લોકો હવે તેમના રાજીનામાની માંગ કરી રહ્યા છે.મહત્વનું છે કે,  જોન્સનના ટોચના સહાયકનું આ નિવેદન અનુસાર  જોન્સન દ્વારા તેમના એક વરિષ્ઠ પ્રધાનને બરતરફ કરવાના સમાચાર સામે આવ્યાના થોડા સમય પછી આવ્યું છે. એવું માનવામાં આવે છે કે વરિષ્ઠ મંત્રીઓ ડાઉનિંગ સ્ટ્રીટમાં  જોન્સનને રહેવાની તરફેણમાં ન હતા.

Boris Johnson gave in after more than 40 ministers quit his government and told him to go. It was not immediately clear whether he would stay in office while the Conservative Party chooses a new leader, who will replace him as prime minister: AP

— ANI (@ANI) July 7, 2022

વરિષ્ઠ કેબિનેટ મંત્રી માઈકલ ગોવે જોન્સનને વડાપ્રધાન પદ છોડવા કહ્યું હતું

મહત્વનું છે કે, વરિષ્ઠ કેબિનેટ મંત્રી માઈકલ ગોવે જોન્સનને વડાપ્રધાન પદ છોડવા કહ્યું હતું. એવું કહેવામાં આવી રહ્યું છે કે જોન્સને ત્યારબાદ માઈકલ ગોવને 'ડાઉનિંગ સ્ટ્રીટ' પર બોલાવ્યા અને તેમને મંત્રીની બર્ખાસ્તની જાણકારી આપી.વર્તમાન નિયમો હેઠળ,જોન્સન તાજેતરના વિશ્વાસ મત જીત્યા પછી આગામી ઉનાળા સુધી વડાપ્રધાન રહી શકે છે. જોકે, બ્રિટિશ મીડિયાનું કહેવું છે કે '1922 કમિટી'ની એક્ઝિક્યુટિવ કોઈપણ સમયે નિયમોમાં ફેરફાર કરી શકે છે.

યુકેના ગૃહપ્રધાન પણ જાહેરાત કરી હતી કે તેઓ જોન્સન પાસેથી સમર્થન પાછું ખેંચી લેશે

જોન્સનના નજીકના સૂત્રોના જણાવ્યા અનુસાર "વડાપ્રધાન જાણે છે કે તેમની પાસે 1.4 કરોડ લોકોનો જનાદેશ છે અને તેમને પદ પરથી હટાવવાનો એકમાત્ર રસ્તો તેમની પાસેથી તે જનાદેશ છીનવી લેવાનો છે,"ગૃહપ્રધાન પટેલે બુધવારે પણ જાહેરાત કરી હતી કે તેઓ કન્ઝર્વેટિવ પાર્ટીના નેતા તરીકે જોન્સનને સમર્થન પાછું ખેંચી લેશે. યુકેના મીડિયા અહેવાલો અનુસાર, તે મંત્રીઓના જૂથમાં સામેલ થઈ ગઈ છે, જે વડાપ્રધાનને પદ છોડવાની માંગ કરી રહી છે. જ્હોન્સન સરકારને મોટો આંચકો આપતાં નાણામંત્રી ઋષિ સુનક અને આરોગ્ય મંત્રી સાજિદ જાવેદે મંગળવારે પોતપોતાના પદ પરથી રાજીનામું આપી દીધું હતું.