આરોપી હત્યા કર્યા બાદ ફરાર થઈ ઝારખંડ તરફ ફરાર થવાની ફિરાકમાં હતો પરંતુ પોલીસે અલગ અલગ ટીમો બનાવી પોલીસે 117 CCTV અને 300થી વધુ મજૂરોની તપાસ કરીને હત્યારાને દબોચી લીધો.
નજીવી બાબતે મિત્રએ કરી મિત્રની હત્યા
અદાવત રાખી મિત્ર નિર્મલની કરી હત્યા
માથાના ભાગે લોખંડ સળિયો મારી મોતને ઘાટ ઉતાર્યો
બોડકદેવમાં ઘરવખરીના સામાનના ઝઘડામાં મિત્રએ કરી મિત્રની હત્યા કરી છે. આરોપી નિર્મલ અને મૃતક અનુપમ SP રિંગ રોડ પર ડ્રિમ વિવાન નામની કન્સ્ટ્રકશનની સાઇટ પર કામ કરતા બે શ્રમિકો વચ્ચે ઘરવખરીના સામાન બાબતે ઝઘડો થયો હતો. જોકે સાઈટ પર કામ પતાવ્યા બાદ બંને મિત્ર એક રૂમ માં સાથે જમવા બેઠા હતા.જમતી વખતે વાસણ આપવા જેવી સામાન્ય બાબતે બને મિત્રો વચ્ચે માથાકૂટ થઈ અને બંને છુટા પડી ગયા હતા.પરંતુ આરોપી નિર્મલે ઝગડાની અદાવત રાખી મિત્ર નિર્મલ ના માથાના ભાગે લોખંડ સળિયો મારી મોતને ઘાટ ઉતારી દીધો.
આરોપી ફરાર થવાની ફિરાકમાં હતો
આરોપી હત્યા કર્યા બાદ ફરાર થઈ ઝારખંડ તરફ ફરાર થવાની ફિરાકમાં હતો પરંતુ પોલીસે અલગ અલગ ટીમો બનાવી પોલીસે 117 CCTV અને 300થી વધુ મજૂરોની તપાસ કરીને હત્યારાને દબોચી લીધો. હાલતો બોડકદેવ પોલીસે આરોપીની ધરપકડ કરી આરોપી અન્ય કોઈ ગુનામાં સંડોવાયેલ છે કે કેમ અને કોઈ ગુનાહિત ઇતિહાસ ધરાવે છે નહીં તે દિશામાં તપાસ તેજ કરી છે. પકડાયેલ આરોપી નિર્મલ છેલ્લા દસ વર્ષથી અમદાવાદમાં રહી કન્સ્ટ્રકશનની સાઇટ પર મજુરી કામ કરતો હતો.
પોલીસે આરોપીના રિમાન્ડ મેળવી તપાસ હાથ ધરી
હત્યા કર્યા બાદ તે ઝાડીઓમાં સંતાતો સંતાતો ઝુંડાલ તરફ પહોંચ્યો હતો અને ત્યાં એક કન્સ્ટ્રકશન સાઇટ જોઈ રોકાયો હતો. ત્યાં તેને કામ મળવાની આશા હતી અને કામ મળ્યા બાદ થોડા નાણાં મળે તો ભાગી જવાની ફિરાકમાં હોવાનું સામે આવ્યું. જોકે આરોપીને પકડવા પોલીસે અલગ અલગ ટીમ બનાવી 20 સાઇટ પર જઈને 300થી વધુ મજૂરોની પૂછપરછ કરી હતી અને અસંખ્ય સીસીટીવી ચેક કર્યા બાદ આરોપી ઝડપાયો છે. બોડકદેવ પોલીસે આરોપીના રિમાન્ડ મેળવી વધુ તપાસ શરૂ કરી છે.