વિરોધીઓએ એક કાર અને કેટલાક ઇલેક્ટ્રિક સ્કૂટરને આગ લગાવી દીધી હતી. ઘણી જગ્યાએ તોફાનો ફાટી નીકળ્યાના અહેવાલો
ફિફા વર્લ્ડ કપ મેચમાં બેલ્જિયમ પર મોરક્કોની જીત બાદ હિંસા ફાટી
બેલ્જિયમ પોલીસે એક ડઝન લોકોની અટકાયત-ધરપકડ કરી
બ્રસેલ્સમાં ઘણી જગ્યાએ તોફાનો ફાટી નીકળ્યાના અહેવાલો
ફિફા વર્લ્ડ કપ મેચમાં રવિવારે (27 નવેમ્બર) બેલ્જિયમ પર મોરક્કોની જીત બાદ હિંસા ફાટી નીકળી હતી. આ પછી બેલ્જિયમ પોલીસે એક ડઝન લોકોની અટકાયત કરી અને ધરપકડ કરી છે. મહત્વનું છે કે, વિરોધીઓએ બ્રસેલ્સમાં એક કાર અને કેટલાક ઇલેક્ટ્રિક સ્કૂટરને આગ લગાવી દીધી હતી. બ્રસેલ્સમાં ઘણી જગ્યાએ તોફાનો ફાટી નીકળ્યાના અહેવાલો છે, જેને કાબૂમાં લેવા માટે પોલીસને ઘણો સંઘર્ષ કરવો પડ્યો હતો.
બેલ્જિયમની રાજધાની કતારમાં ડઝનેક ફૂટબોલ ચાહકો સાથે અનેક સ્થળોએ રમખાણો થયા હતા. જેમાંથી કેટલાક મોરક્કન ધ્વજમાં લપેટાયેલા હતા. લોકોને નિયંત્રિત કરવા માટે, પોલીસે પાણીની તોપ અને ટીયર ગેસના શેલ છોડ્યા. પોલીસ પ્રવક્તા ઇલ્સે વાન ડી કીરેએ જણાવ્યું હતું કે, હાલમાં અહીં સ્થિતિ નિયંત્રણમાં છે અને હિંસક અથડામણો થઈ હોય તેવા વિસ્તારોમાં સાવચેતીભર્યું પોલીસ પેટ્રોલિંગ ચાલુ છે.
Belgium | Riots in Brussels with a car & some electric scooters set on fire after Morocco's victory over Belgium in the #FIFAWorldCup match. One arrested, a dozen detained, Reuters reported
બ્રસેલ્સના મેયર ફિલિપ ક્લોસે લોકોને શહેરના કેન્દ્રથી દૂર રહેવાની સલાહ આપી છે. તેમણે કહ્યું કે, પોલીસ અધિકારીઓ રસ્તાઓ પર કાયદો અને વ્યવસ્થા જાળવવા માટે તેમના શ્રેષ્ઠ પ્રયાસો કરી રહ્યા છે. સુરક્ષાના કારણોસર પોલીસે સાવચેતીના પગલારૂપે ત્યાં મેટ્રો અને ટ્રામ સેવા બંધ કરવી પડી હતી. હિંસા ફેલાતી રોકવા માટે મેટ્રો સ્ટેશનોના દરવાજા બંધ કરી દેવામાં આવ્યા હતા અને શેરીઓમાં પોલીસ પેટ્રોલિંગ વધારી દેવામાં આવ્યું હતું.
આ સાથે પોલીસે જણાવ્યું હતું કે, તોફાનીઓએ આતશબાજી સામગ્રી, અસ્ત્રો, લાકડીઓનો ઉપયોગ કર્યો હતો અને જાહેર હાઇવે પર આગ લગાવી હતી. આ ફટાકડાના કારણે એક પત્રકારના ચહેરા પર ઈજા થઈ હતી. પોલીસે હંગામો રોકવા અને તોફાનીઓને કાબૂમાં લેવા માટે વોટર કેનન અને ટીયર ગેસનો ઉપયોગ કર્યો હતો. પોલીસ આ વિસ્તારોમાં તોફાની તત્વો પર સતત નજર રાખી રહી છે. પોલીસને આશંકા છે કે, શહેરમાં ફરી અશાંતિનું વાતાવરણ સર્જાઈ શકે છે. આ સાથે પોલીસ કસ્ટડીમાં લેવામાં આવેલા લોકોની પણ પૂછપરછ કરી રહી છે. પોલીસ તોફાનો પાછળનું ચોક્કસ કારણ અને તેની પાછળ કોણ છે તે જાણવાનો પ્રયાસ કરી રહી છે.
નોંધનીય છે કે, રવિવારે ફિફા વર્લ્ડ કપની મેચમાં મોરક્કોની ટીમે બેલ્જિયમને હરાવીને મોટો ઉલટફેર સર્જ્યો હતો. મોરક્કોએ બેલ્જિયમને 2-0થી હરાવી પોતાનો પ્રથમ વર્લ્ડ કપ જીત્યો હતો. જણાવી દઈએ કે વર્લ્ડ કપ ઈતિહાસમાંમોરક્કોની આ ત્રીજી જીત છે. આ પહેલા તે 1998માં જીત્યો હતો. તે સમયે મોરક્કોએ સ્કોટલેન્ડને 3-0થી હરાવ્યું હતું.