હવામાન / રાજ્યમાં ઠંડીનો ચમકારો વધ્યો, અમદાવાદમાં તાપમાન 17 ડીગ્રી નોંધાયું

• અમદાવાદમાં ઠંડીનો ચમકારો યથાવત
• વહેલી સવારે થઇ રહ્યો છે ઠંડીનો અનુભવ
• શહેરમાં સવારે ઘુમ્મસભર્યું વાતાવરણ

ઉલ્લેખનીય છે કે, અમદાવાદમાં સવારે ધુમ્મસ સાથે ઠંડીનો ચમકારો અનુભવાયો. હવામાન વિભાગના અનુમાન અનુસાર આગામી દિવસોમાં ઠંડીનું પ્રમાણ વધી શકે છે. અમદાવાદમાં તાપમાન 17 ડીગ્રી સુધી નીચે પહોંચતાં રાત્રે અને વહેલી સવારે ઠંડીનો અનુભવ થઇ રહ્યો છે.

શહેરમાં સવારે 20 ડિગ્રી સેલ્સિયસ

આપને જણાવી દઇએ કે, શહેરમાં સવારે 20 ડિગ્રી સેલ્સિયસની આસપાસનું તાપમાન નોંધાયું હતુ. હજુ આગામી દિવસોમાં ઠંડીનું જોર વધે તેવી પૂરી શક્યતાઓ હવામાન વિભાગ દ્વારા વ્યક્ત કરવામાં આવી છે. 

મોટા ભાગના વિસ્તારોમાં તાપમાનનો પારો ગગડ્યો 

નવેમ્બરની શરૂઆત થઈ ગઈ હોવા છતાં રાજ્યમાં હજુ જોઈએ તેવી ઠંડી પડી રહી નથી, પરંતુ છેલ્લા બે ત્રણ દિવસથી અમદાવાદ, ગાંધીનગર, નલિયાનાં તાપમાનમાં નોંધપાત્ર ઘટાડો થયો છે. મોટાભાગનાં શહેરોમાં 20 ડિગ્રીથી ઓછું તાપમાન નોંધાઈ રહ્યું છે.