તમિલનાડુના વેલ્લોરમાં ફટાકડાની દુકાનમાં આગ લાગવાની ઘટના સામે આવી છે.
તમિલનાડુમાં રવિવાર બન્યો ગોઝારો
ફટાકડાની દુકાનમાં એકાએક ફાટી નીકળી આગ
દુકાનના માલિક અને 2 પૌત્રના થયાં મોત
લથેરી કસ્બામાં આવેલી આ દુકાનમાં આગ લાગતા આસપાસના વિસ્તારોમાં દોડધામ મચી જવા પામી હતી. આ ઘટનામાં દુકાન માલિક સહિત 2 પૌત્રોના મોત નિપજ્યા હતા.
1992થી ચાલતી હતી ફટાકડાની દવા
આપને જણાવી દઇએ કે, આ મામલો વેલ્લોરના લથેરી વિસ્તારનો જ્યાં મોહન નામના વ્યકિત 1992થી ફટાકડાની દુકાન ચલાવતા હતા. રવિવારે મોહન જ્યારે પોતાના પૌત્રો સાથે પોતાની દુકાનમાં બેઠા હતા ત્યારે અચાનક ફટાકડા ફૂટવા લાગ્યા હતા અને સમગ્ર દુકાનમાં આગ પ્રસરી ગઇ છે.
ફાયર બ્રિગેડ મોડી પહોંચતા દુકાન બળીને ખાખ
ઉલ્લેખનીય છે કે, આ બનાવ અંગેની જાણ થતાં ફાયર બ્રિગેડને જાણ કરવામાં આવી હતી પરંતુ 10 કિલોમીટર દૂર હોવાથી સમયસર પહોંચી શકી નહોતી. જો કે, સ્થાનિક લોકો આગ ઓલવવાની કામગીરીમાં જોતરાયા હતા પરંતુ આગ એટલી ભયંકર હતી કે દુકાન બળીને ખાખ થઇ ગઈ હતી.
દાદા અને 2 પૌત્રના મોત
ઉલ્લેખનીય છે કે, આ કરૂણાંતિકામાં દુકાનના માલિક અને તેમના 2 પૌત્રના બળી જવાથી મોથ થયાં હતા.