અમદાવાદ / SG હાઈવે પર ગણેશ મેરેડિયનના 8માં માળે લાગી આગ, શહેરમાં આજે આગની બીજી ઘટના 

• અમદાવાદમાં આજે આગની બીજી ઘટના 
• ગણેશ મેરેડિયનના 8માં માળે આગનો બનાવ 
• ફાયર વિભાગની બે ગાડીઓ ઘટનાસ્થળે

અમદાવાદના SG હાઈવે પર આવેલી બિલ્ડિંગમાં આગની ઘટના સામે આવી છે, ગણેશ મેરેડિયન બિલ્ડિંગના બ્લોક નં 8માં આગ સ્થાનિકોમાં ભયનો માહોલ જોવા મળી રહ્યો છે, જો કે ફાયર વિભાગની ઘટનાની જાણ કરવામાં આવતા ફાયરની ટીમ ઘટના સ્થળે રવાના થઈ ગઈ છે.. જો કે આગ કયા કારણોસર લાગી તે અંગે કોઈ જાણકારી મળી નથી..પરતું પ્રાથમિક માહિતી અનુસાર આગ શોર્ટ સર્કિટને કારણે લાગી હોવાનું જણાઈ રહ્યું છે.. આગમાં હજુ સુધી કોઈ જાનહાનિના સમાચાર જાણવા મળ્યા નથી.. પરતું આગને લઈને સ્થાનિકોમાં ફફડાટનો માહોલ વ્યાપી ગયો છે..

સવારે રિલીફ રોડ વિસ્તારમાં લાગી હતી આગ

મહત્વનું છે કે આજે સવારે અમદાવાદના રિલીફ રોડ વિસ્તારમાં પણ આગની ઘટના સામે આવી હતી.. રિલીફ રોડ ઉપર આવેલા કોમ્પેક્ષમાં અચાનક આગ ફાટી નીકળતા અફરાતફરીનો માહોલ સર્જાયો હતો, આગના બનાવની જાણ ફાયર વિભાગને જાણ કરવામાં આવતા ફાયરની 8થી વધુ ગાડીઓ ઘટના સ્થળે આવી પહોંચી હતી.. ફાયર વિભાગની ભારે જહેમત બાદ આગ પર કાબૂ મેળવાયો હતો જો કે સદનસીબે આગમાં કોઈ જાનહાનિ સર્જાઈ નહોતી..