અમદાવાદ / જમાલપુર ચાર રસ્તા નજીક પેટ્રોલપંપ પર થયો મોટો ધડાકો, આગ લાગતા અફરાતફરીનો માહોલ

• જમાલપુર ચાર રસ્તા નજીક પેટ્રોલપંપ પર બ્લાસ્ટ
• પેટ્રોલ પંપમાં અચાનક ધડાકાભેર આગ લાગી
• આગ લાગતા વિસ્તારમાં અફરાતફરીનો માહોલ 

અમદાવાદના સૌથી ભીડભાળ વાળી જગ્યા જમાલપૂર ચાર રસ્તા નજીક આવેલા પેટ્રોલ પંપ પર બ્લાસ્ટ થયો હતો. જે બાદ પેટ્રોલ પંપ પર લાગેલી આગે વિકરાળ રૂપ ધારણ કર્યું હતું. પેટ્રોલ પંપમાં અચાનક ધડાકાભેર આગ લાગતાં વિસ્તારમાં અફરાતફરીનો માહોલ ફેલાયો છે. ફાયર વિભાગની 5 ટીમોએ આગ કાબૂ લેવા જહેમત હાથ ધરતા આગ પર કાબૂ મેળવી લેવાયો છે. 

પેટ્રોલ પંપ પર ઘડકો કઈ રીતે થયો તેનું કોઈ કારણ હજુ સુધી બહાર આવ્યું નથી પણ હાલની સ્થિતિએ આખોય પેટ્રોલપંપ આગમાં ઝૂલસી ગયો છે. જમાલપૂર ચાર રસ્તા નજીક આવેલા પેટ્રોલ થયેલા આ ધડાકાને કારણે આસપાસના રાહદારીઓ અને દુકાનદારો ડરી ગયા હતા. મોટી સંખ્યામાં લોકો ત્યાં એકઠા થઈ ગયા હતા. 

અમદાવાદના જમાલપુર ચાર રસ્તા નજીક પેટ્રોલપંપ પર બ્લાસ્ટ, પેટ્રોલ પંપમાં અચાનક ધડાકાભેર આગ લાગતા વિસ્તારમાં અફરાતફરીનો માહોલ, ફાયર ટીમો ઘટના સ્થળે#Ahmedabad #Jamalpur pic.twitter.com/csfOEmioxW

— VTV Gujarati News and Beyond (@VtvGujarati) February 15, 2022

તાત્કાલિકના ધોરણે ફાયર વિભાગને કોલ જોડવામાં આવતા ગણતરીની મિનિટોમાં જ ફાયર ટીમ ઘટના સ્થળે પહોંચી પેટ્રોલ પંપની બહાર ગાડી ગોઠવી પાણીનો મારો ચલાવ્યો હતો અને આગને કાબૂમાં લીધી હતી તો પોલીસને પણ જાણ થતાં બનવા સ્થળેથી લોકોના ટોળાઓને દૂર ખસેડવાની તજવીજ હાથ ધરી હતી.હાલ સુધીમાં કોઈ જાનહાનિના સમાચાર મળી રહ્યા નથી.