અમેરિકા / ગુરુ શિષ્યના સંબંધો પર લાગ્યું લાંછન, 39 વર્ષની ટીચરે 14 વર્ષના વિદ્યાર્થી સાથે કઈક એવું કર્યું જે જાણીને ચોંકી જશો

• મહિલા શિક્ષિકાએ વિદ્યાર્થી સાથે આચર્યુ દુષ્કર્મ 
• 14 વર્ષના બાળકને 3 વખત બનાયો હવસનો શિકાર 
• પોલીસે કરી મહિલા શિક્ષિકાની ધરપકડ 

આ બનાવ સામે આવ્યો છે અમેરિકાના કેલિફોર્નિયામાં જ્યા એક મહિલા શિક્ષિકાએ 14 વર્ષના બાળક સાથે 3 વખત દુષ્કર્મ આચર્યું જેના કારણે આ મુદ્દો હાલ ચર્ચાનું કેન્દ્ર બન્યો છે. શિક્ષિકા પહેલાથી પરિણીતક હતી અને તે બાળકને ટ્યૂશન આપવા તેના ઘરે આવતી હતી. જેમાં ઘરમાં એકલતાનો લાભ ઉઠાવીને તેને માસૂમ સાથે 3 વખત દુષ્કર્મ આચર્યું હતું. 

બાળકને ભણવા મહિલા શિક્ષિકા તેના ઘરે જતી 

અમેરિકાની મીડિયાના જણાવ્યા અનુસાર મહિલાની ઉંમર 39 વર્ષ હોવાનું સામે આવ્યું છે. સાથેજ તેનું નામ ક્રિસ્ટલ જેકશન હોવાનું સામે આવ્યું છે. તે ફ્રીલાન્સ ટીચર તરીકે કામ કરતી હતી. જેમા તે બાળકને ભણાવા માટે તેના ઘરે જતી હતી. 

એકલતાનો લાભ ઉઠાવીને આચર્યું દુષ્કર્મ 

બાળકના ઘરે જ્યારે શિક્ષિકા જતી હતી ત્યારે તેની બાળક પર નીયત બગડી અને તેની એકલતાનો લાભ ઉઠાવીને તેણે તેની સાથે દુષ્કર્મ આચર્યું હતું. બાદમાં તેણે બાળક સાથે ફરી 2 વખત એમ કુલ 3 વખત દુષ્કર્મ આચર્યું હતું. 

શિક્ષિકાની પોલીસે કરી ધરપકડ 

એક વર્ષ પહેલા સમગ્ર મામલે શિક્ષિકા સામે પુરાવાઓ મળ્યા હતા અને તેની સામે ગુનો દાખલ કરવામાં આવ્યો હતો. જોકે એક વર્ષ બાદ તેની પર લાગેલા આક્ષેપો સાચા પડતા તેની ધરપકડ કરવામાં આવી હતી. જોકે બાદમાં કોર્ટ દ્વારા તે શિક્ષિકાને જામીન આપી દેવામાં આવી છે. બીજી તરફ બાળક પણ હાલ સહિ સલામત છે. 

પોલીસે હેલ્પલાઈન નંબર જાહેર કર્યો 

ઉલ્લેખનીય છે કે સમગ્ર સ્થાનિક પોલીસને એવી આશંકા છે કે મહિલાએ અન્ય બાળકો પણ ખોટી રીતે હેરાન કર્યા હોઈ શકે છે. જેથી પોલીસે હેલ્પ લાઈન નંબર જાહેર કર્યો છે. જેથી જો કોઈ અન્ય બાળક સાથે તે મહિલા શિક્ષિકાએ આવી કોઈ હરકત કરી હશે તો તે બાળક પણ પોલીસને ડાયરેક્ટ ફોન કરીને જાણ કરી શકશે.