વિશ્વમાં સૌપ્રથમ વખત ગુજરાતે 'લેસર ફ્લોરિકન' એટલે કે ખડમોર જાતિના પક્ષીની માદા પ્રજાતિના એક પક્ષીને GPS ટેગ કરીને ઇતિહાસ સર્જ્યો છે.
આ પગલું આ પ્રજાતિના પક્ષીની સતત ઘટી રહેલી વસ્તીને કારણે લેવાયું છે. ગુજરાતમાં Bustard પ્રજાતિના ત્રણ પક્ષીઓ મળી આવી છે. ધ ગ્રેટ ઇન્ડિયન બસ્ટર્ડ, ધ લેસર ફ્લોરિકન (જે સ્થાનિક બોલીમાં ખડમોર તરીકે ઓળખાય છે) અને મેકક્વીન બસ્ટર્ડ. આ પક્ષીઓની હિલચાલ અને તેમનું વર્તન સ્ટડી કરવા માટે ગુજરાત વન વિભાગે 2 પક્ષીઓમાં GPS ટેગિંગ કર્યું છે જેમાં એક માદા 'લેસર ફ્લોરિકન'નો સમાવેશ થાય છે.
પક્ષીઓ ઉપર સોલાર PTT ચોંટાડવામાં આવ્યું
વન વિભાગના પ્રિન્સિપલ ચીફ કન્સર્વેટરે કહ્યું કે આ પક્ષીઓ તેમની બ્રીડીંગ અને નોન બ્રીડીંગ સીઝનમાં કઈ પ્રવૃત્તિઓ કરે છે તે જાણવામાં તેમને ટેગ કરવામાં આવ્યા છે. આ પ્રોજેક્ટ સાસણગીરના વાઈલ્ડ લાઈફ ડિવિઝન વડે ડેવલપ કરવામાં આવ્યો છે અને વનવિભાગે આ પક્ષીઓ ઉપર સોલાર PTT પ્લેટફોર્મ ટ્રાન્સમીટર ટર્મિનલ્સ ચોંટાડવાનું નક્કી કર્યું છે.
I congratulate Gujarat Forest Department and its team of Bustard Experts who tagged 1 male and 1 female #LesserFlorican (#Khadmor) with Satellite Tags. For the first time, a female #LesserFlorican has been tagged in the world! This significant work will help in its conservation.
લેસર ફ્લોરિકન્સ લુપ્ત થવાની આરે આવેલી પ્રજાતિ ગણવામાં આવે છે
નોંધનીય છે કે લેસર ફ્લોરિકન્સ બસ્ટર્ડ પ્રજાતિના સૌથી નાના પક્ષીઓ છે અને તેઓ ફક્ત દક્ષિણ એશિયામાં જ જોવા મળે છે. તેઓ લુપ્ત થવાની આરે આવેલી પ્રજાતિ ગણવામાં આવે છે કારણ કે ફક્ત 700 પક્ષીઓ બચ્યા છે. તેઓ ચોમાસાની બ્રીડીંગ સીઝનમાં ગુજરાત, રાજસ્થાન અને મધ્યપ્રદેશમાંથી મળી આવે છે. મહારાષ્ટ્ર અને આંધપ્રદેશ બીજા બે રાજ્યો છે જ્યાં આ પ્રજાતિ જોવા મળે છે.