સંબંધોને લજવતો કિસ્સો / દીકરીઓ ઘરમાં પણ અસુરક્ષિત: સુરતમાં પિતાએ 14 વર્ષની દીકરી પર બે વખત આચર્યું દુષ્કર્મ, કિશોરી જાતે જ પહોંચી પોલીસ પાસે 

• સુરતમાં શરમજનક ઘટના
• સગા પિતાએ કિશોરી પર આચર્યું દુષ્કર્મ
• નરાધમ પિતાની પોલીસે કરી ધરપકડ 

સુરતમાં દિવસે દિવસે ક્રાઈમ રેટ વધી રહ્યો છે, ત્યારે માનવતાને પણ શર્મસાર કરે તેવો કિસ્સો સામે આવ્યો છે જે બાદ સમગ્ર પંથકમાં હડકંપ મચી ગયો છે, ગુજરાતા દીકરીઓની સલામતીના દાવા થતા હોય છે ત્યારે હવે દીકરીઓ ઘરમાં પણ સુરક્ષિત નથી, સુરતના સગા બાપે દીકરી પર બે વખત દુષ્કર્મ કરતા સમગ્ર વિસ્તારમાં અરેરાટી ફેલાઈ ગઈ છે. 

સગા પિતાએ કિશોરી પર આચર્યું દુષ્કર્મ

પિતાએ  14 વર્ષની દીકરી પર ગણતરીના કલાકોમાં જ બે વખત દુષ્કર્મ ગુજાર્યું હતું એટલું જ નહીં અન્ય એક 13 વર્ષની દીકરીની પણ છેડતી કરી હતી જે બાદ દીકરીઓએ હિંમત કરીને સમગ્ર મામલે પોલીસ મથકમાં પહોંચી પિતા સામે ફરિયાદ નોંધાવતા પોલીસ આરોપી પિતાની ધરપકડ કરી છે. મહત્વનું છે કે આઠ મહિના અગાઉ પણ પિતાએ દુષ્કર્મ આચર્યું હતું અ સમયે દીકરીઓએ માતાને ફરિયાદ કરતા પતિને આવું ફરી ન કરવા સલાહ આપી હતી જો કે બીજી વાર પણ પિતાના દીકરી સાથે દુષ્કર્મ ગુજાર્યું જે બાદ દીકરીઓને ફરિયાદ નોંધાવતા આરોપી પિતાની અટકાયત કરવામાં આવી છે. 

સુરતમાં અગાઉ પણ આવી અનેક ઘટના સામે આવી 

ઉલ્લેખનિય છે કે સુરત જાણે ક્રાઈમ હબ હોય તેમ અવાર નવાર ક્રાઈમની ઘટનાઓ સામે આવતી રહે છે, અગાઉ પણ હત્યા, હુમલો અને અપહરણ તેમજ દુષ્કર્મના કિસ્સા સામે આવ્યા છે. થોડા દિવસ અગાઉ પણ સુરતના પાંડેસરા વડોદ ગામમાંથી દિવાળીની રાત્રે ઘર આંગણે રમતી અઢી વર્ષની બાળકી રહસ્યમય રીતે ગુમ થઈ ગઈ હતી. જે બાદ વડોદ ગામમાં જ ઝાડીમાંથી બાળકી મૃત હાલતમાં મળી આવી હતી. જેથી પોલીસે અપહરણ અને હત્યાની દિશામાં તપાસ હાથ ધરી હતી. 100થી વધુ પોલીસ જવાનો બાળકીને શોધી રહ્યા હતા. બાળકીના પિતા મિલમાં મજૂરી કરતા હતા જ્યાં બે બાળકીઓમાં મોટી દીકરી ઘર આંગણે રમતા રમતા ગુમ થઈ ગઈ હતી. જે બાદ બાળકી સાથે દુષ્કર્મ અને સૃષ્ટિ વિરૂદ્ધનું કૃત્યુ  થયું હોવાનું સામે આવ્યું હતું અને બાદ બાળકીની હત્યા કરી દેવાઈ હતી. પોલીસે બાળકીના વિસ્તારનો જ રહેવાસી 40થી 45 વર્ષના આરોપી આધેડની ધરપકડ કરી હત્યા અને દુષ્કર્મનો ભેદ ઉકેલ્યો હતો.   

રાજ્યમાં 2 વર્ષમાં 3095 દુષ્કર્મના કેસ

ગુજરાતમાં મહિલા અને યુવતીઓ સુરક્ષિત છે તેવા દાવાઓ કરવામાં આવે છે પરતું સબસલામતની વાતો વચ્ચે ચોંકાવનારા આંકડાઓ સામે આવ્યા છે જે જાણી આપના હોશ ઉડી જશે ગુજરાતમાં દૈનિક ચાર જેટલી દુષ્કર્મની ઘટનાઓ બને છે જો રાજ્યમાં છેલ્લા બે વર્ષની વાત કરવામાં આવે તો બે વર્ષમાં 3095 જેટલી દુષ્કર્મની ઘટનાઓ સામે આવી છે. ગુજરાતમાં સૌથી વધુ દુષ્કર્મની ઘટના અમદાવાદમાં અને ત્યાર બાદ સુરતમાં ઘટી છે રાજ્યમાં સૌથી વધારે અમદાવાદ શહેરમાં દુષ્કર્મની 620 ઘટનાઓ બની છે.જ્યારે સુરતમાં છેલ્લા બે વર્ષમાં 465 દુષ્કર્મના કેસ નોંધાયા છે. એક અહેવાલ મુજબ રાજ્યમાં રોજ 4 દુષ્કર્મના બનાવો બને છે.