અમદાવાદના વાસણામાં જીવરાજ પાર્ક પાસે આવેલા શિવ શંકર નગરમાં મકાનની છત પડતા પિતા અને પુત્રના મોત નિપજ્યા છે.
વાસણામાં મકાનની છત પડતા 2ના મૃત્યુ
છત પડતા પિતા અને પુત્રના મૃત્યુ
જીવરાજપાર્ક પાસેના શિવશંકર નગરનો બનાવ
અમદાવાદના વાસણામાં દુર્ઘટના ઘટી છે જ્યાં મકાનની છતના પોપડા પડતા બેના મોત થયાં છે. વાસણામાં જીવરાજ પાર્ક પાસે આવેલા શિવ શંકર નગરમાં મકાનની છત પડતા પિતા અને પુત્રના મોત નિપજ્યા છે.
પંખો છાતીમાં વાગતા પિતા અને પોપડા પડતા પુત્રનું મૃત્યુ
વિગતો મુજબ મકાનની છતના પોપડા સાથે પંખો છાતીના ભાગમાં વાગતા પિતાનું અને પોપડાથી પુત્રનું મોત થયાનું જાણવા મળી રહ્યું છે. પાપ્ત માહિતી મુજબ આ ઘટના વહેલી સવાર બની હતી જો કે, બનાવની જાણ પોલીસને થતાં પોલીસ ઘટનાસ્થળે પહોંચી તપાસ હાથ ધરી છે. મકાન જૂનુ હોવાથી તે મકાનની છતનું પોપડું એકાએક પડ્યું હતું અને જેમાં પિતા-પુત્રનું મોત થયું છે. જે ઘટનાથી સમગ્ર પંથકમાં અરરાટી મચી છે તો પરિવાર પર શોકનું મોઝું ફરી વળ્યું છે