કાળો કારોબાર / ગાંધીના ગુજરાતમાં લીલા અફીણનો કાળો કારોબાર, બેધડક ખેતરમાં વાવેલા છોડ જોઈને પોલીસ પણ ચોંકી ગઈ

• રાજકોટમાંથી ઝડપાઈ અફીણની ખેતી
• પોલીસે બેડલા ગામેથી ઝડપી અફીણની ખેતી
• ખેતરમાં અફીણના છોડ વાવ્યા હતા

ગુજરાતનું રાજકોટ ધીમે ધીમે નશાના કાળા કારોબારનું એપી સેન્ટર બની ગયું હોય તેવું લાગી રહ્યું છે. રાજકોટના બેડલા ગામેથી એરપોર્ટ પોલીસે લીલા અફીણનો મોટો જથ્થો ઝડપી પાડ્યો છે 

ખેડૂતે ખેતરમાં અફીણના છોડ વાવ્યા હતા

પોલીસ સૂત્રોના જણાવ્યા અનુસાર રાજકોટના બેડલા ગામ પાસે એક વાડીમાં મનસુખ ચૌહાણ નામાના ખેડૂતે પોતાની વાડીમાં ચણા અને ઘઉંના વાવેતરની વચ્ચે અફીણનું વાવેતર કર્યું હોવાની બાતમી એરપોર્ટ પોલીસને મળી હતી. જેથી પોલીસે બાતમીના આધારે મનસુખ ચૌહાણના ખેતરમાં દરોડો પાડીને લીલા અફીણનો મોટો જથ્થો ઝડપી પાડ્યો હતો. અને વાડી માલિકની ધરપકડ કરી વધુ તપાસ હાથ ધરી છે.

આરોપીની અફીણ પીવા માટે વાવ્યાની કબૂલાત

પોલીસે મનસુખ ચૌહાણની પૂછપરછ કરતા પોતે અફીણ પીવા માટે વાવેતર કર્યું હોવાનું જણાવ્યું હતું. ત્યારે પોલીસે આ ગુનામાં અન્ય કોઈ સંડોવાયેલું છે કે કેમ? એ અંગે પણ હાલ તપાસનો ધમધમાટ શરૂ કર્યો છે.