બોલિવૂડ / કંગના માટે ફેને બનાવ્યું રેપ સોન્ગ, સોન્ગ સાંભળી તન્નુ બની ભાવુક

• સોન્ગમાં કંગનાને સિંહણ તરીકે રજૂ કરવામાં આવી
• 2 મિનિટનાં વીડિયોમાં કંગનાનાં સ્વભાવ અને કામની ચર્ચા
• વીડિયો જોઈને કંગનાએ પણ તેને ટ્વીટર પર શેર કર્યો

સુશાંત કેસમાં ખૂબ સક્રિય હતી કંગના
બોલિવૂડ એક્ટર સુશાંતસિંહ રાજપૂત કેસમાં કંગના રાનૌત ખૂબ સક્રિય જોવા મળી હતી. તે કેસમાં નેપોટિઝમ અને બોલિવૂડ માફિયા જેવા એંગલની એન્ટ્રી પણ કંગનાએજ કરાવી હતી. જેથી કંગનાને સુશાંતનાં ફેન્સનું ખૂબ સમર્થન મળ્યું હતું. અમુક લોકોએ કેસને ભટકાવવા જેવા પણ આરોપો કંગના પર લગાવ્યા પણ તેમ છતાં સમાજનો એક વર્ગ સતત તેની પડખે ઉભો રહ્યો.

રેપ સોન્ગ સોશિયલ મીડિયા પર ખૂબ વાયરલ
કંગના રાનૌતનાં કામથી ખુશ થઈને તેનાં એક ફેને તેનાં પર એક રેપ સોન્ગ તૈયાર કર્યું છે. જે સોશિયલ મીડિયા પર ખૂબ વાયરલ થઈ રહ્યું છે. 2 મિનિટ જેટલા આ વીડિયોમાં એક ફેન કંગનાને ટ્રીબ્યૂટ આપી રહ્યો છે. તે ફેનની નજરે કંગના એક એવી સિંહણ છે જે વન મેન આર્મી બનીને સૌનો સામનો કરી રહી છે અને સુશાંતને ન્યાય અપાવવામાં પૂરો પ્રયત્ન કર્યો હતો.

Just saw this from a fan, the love, faith and your admiration is all I have ❤️ pic.twitter.com/ilLNvHs2He

— Kangana Ranaut (@KanganaTeam) January 30, 2021

વીડિયો જોઈ કંગના બની ભાવુક
કંગના માટે લખવામાં આવેલ આ સોન્ગની લાઇન્સ ખૂબ રસપ્રદ છે અને દરેક વ્યક્તિનું ધ્યાન ખેંચી શકે તેવી છે. જે વીડિયો જોઈને કંગના પણ ભાવુક બની ગઈ છે. કંગનાએ તે વીડિયો શેર કરીને કહ્યું છે કે, આ ફેનનો હૃદયથી આભાર. કંગના તેને જનતાનો પ્રેમ માને છે. કંગનાએ તે વીડિયો શેર કરતા કહ્યું કે, મે હાલમાં જ આ વીડિયો જોયો. મારી પાસે ફક્ત આપ સૌનો પ્રેમ આશીર્વાદ છે. આભાર. જોકે કંગના માટે બનાવવામાં આવેલ આ પ્રથમ વીડિયો નથી. ફર્ક ખાલી એટલો જ છે કે અગાઉ બનાવવામાં આવેલ વીડિયોમાં કંગનાને ટ્રોલ કરતા વીડિયો વધારે જોવા મળ્યા છે.