તરખાટ / અમદાવાદમાં તસ્કરોનો તરખાટ, બોપલના સ્કાયસિટી બંગલામાં પરિવારને બંધક બનાવીને ચલાવી લૂંટ 

• અમદાવાદમાં તસ્કરોનો તરખાટ! 
• બોપલના સ્કાયસિટી બંગલોમાં લૂંટ
• પરિવારને બંધક બનાવીને 4 તસ્કરોએ ચલાવી લૂંટ

અમદાવાદમાં અવાર નવાર ચોરી અને લૂંટફાટની ઘટનાઓ સામે આવતી હોય છે ત્યારે ફરી એકવાર લૂંટની ઘટના સામે આવી છે. અમદાવાદના બોપલ સ્થિત સ્કાયસિટી બંગલામા રહેતા પરિવારને બંધક બનાવીને તસ્કરોએ લૂંટ ચલાવતા શહેરીજનોમાં ફફડાટ વ્યાપી ગયો છે.

બોપલના સ્કાયસિટી બંગલોમાં લૂંટ

જો કે લૂંટની ઘટના અંગે માહિતી મળતા જ પોલીસ સ્કાયસિટી બંગલોંમાં દોડી આવી હતી અને સમગ્ર માલમે તપાસ કાર્યલાહી હાથ ધરી હતી. તસ્કારોએ બંગલામાંથી 5 તોલા સોનું, તેમજ સોના ચાંદીના ઘરેણાં સહિત રોકડ તેમજ લેપટોલ લઈ ફરાર થઈ ગયા હતો જેની પરિવારજનો દ્વારા પોલીસને જાણ કરવામાં આવતા પોલીસે તપાસનો ધમધામટ શરૂ કર્યો છે. 

પરિવારને બંધક બનાવીને 4 તસ્કરોએ ચલાવી લૂંટ

પોલીસ આસપાસના વિસ્તારોના સીસીટીવીને આધારે આરોપીઓની તપાસ હાથ ધરી છે. તેમજ પરિવારજનોએ પોલીસને જાણકારી આપતા જણાવ્યું હતું કે બંગલામાં ઘૂસી આવેલા ચાર જેટલા તસ્કારોએ બંધક બનાવીને લૂંટ ચલાવી હતી, અને 5 તોલા સોનું સહિત લેપટોલ અને રોકડ લઈ ફરાર થઈ ગયા હતા.