જો મે બોલતા હૂં વો મે કરતા હૂં, આ ડાયલોગ ભલે સોનૂ સૂદનો ના હોય પરંતુ કામ તો એ આ ડાયલોગ પ્રમાણે જ કરે છે. છેલ્લા થોડા દિવસથી ફૂટપાથ પર રહી રહેલી અંજૂ દેવીને મદદ કરવા માટે સોનૂએ પ્રોમિસ કર્યુ હતું અને 24 કલાકની અંદર તે મહિલાને છત અપાવી દીધી છે. અભિનેતાની મદદ તો હજૂ પહોંચી નથી પરંતુ તેની ટ્વિટ બાદ કેટલાક સમાજસેવી સંસ્થા અંજૂની મદદ માટે પહોંચી ગઇ હતી.અંજૂના ખાવા પીવા તથા રહેવાનો દરેક પ્રબંધ કરી દેવામાં આવ્યો છે.
પતિના અવસાન બાદ મકાન માલિકે કાઢી મૂક્યા
10 દિવસથી રહેતા હતા રસ્તા પર
સોનૂ સૂદની ટ્વિટથી મળી પરિવારને મદદ
પાણી પીને બાળકોએ સમય કર્યો પસાર
અંજૂએ જણાવ્યું કે, પહેલા લૉકડાઉનમાં ભીખ માંગીને અને લોકોનું એંઠુ ખાઇને ચલાવી લીધુ હતુ પરંતુ બાદમાં થયેલ લોકડાઉનમાં તકલીફો વધી ગઇ હતી. મકાન માલિકે પણ ઘરમાંથી જવા માટે કહી દીધું હતું. જે થોડા ઘણા રૂપિયા બચ્યા હતા તે પણ ચણા અને સત્તુ ખાવામા વપરાઇ ગયા હતા. એકવાર તો એવું થયુ કે માત્ર પાણી પીને દિવસ કાઢવો પડ્યો હતો. પરિવારને 10 દિવસ રોડ પર સૂઇને કાઢવા પડ્યા હતા.
અંકિત નામના એક યુઝરે સોનૂ સૂદને ટ્વિટ કરીને આ પરિવારના હાલ બેહાલ છે તેમ જણાવ્યું હતું અને સોનૂ સૂદે રિપ્લાય આપ્યો હતો કે 24 કલાકમાં આ પરિવાર પાસે રહેલા માટે ઘર હશે. આ ટ્વિટ એટલી વાયરલ થઇ કે સમાજસેવી સંસ્થાઓએ જ આ મહિલાના રહેવા માટેની વ્યવસ્થા કરી દીધી છે.
અંકિતે જણાવ્યું કે તેને સોનૂ સૂદ વિશે ખ્યાલ નહોતો પરંતુ તેને એટલી ખબર હતી કે આ મહિલાને મદદની જરૂર છે. મહિલા તેમજ તેના પરિવારને હાલ મદદ મળી ગઇ છે પરંતુ હવે તે મહિલાને કામ મળી જાય તો તે તેના પરિવારનું ગુજરાન ચલાવી શકે.