તરખાટ / દ્વારકામાં નકલી પોલીસે ઘરમાં જ પરિવારને બનાવ્યો બંધક, બાદમાં 26 વર્ષની યુવતીનો બનાવ્યો વીડિયો 

• દ્વારકામાં કાયદો વ્યવસ્થાને લઇ ઉઠ્યા સવાલ
• માથાભારે શખ્સે યુવતીના ઘરમાં ઘૂસી મચાવ્યો આતંક 
• નકલી પોલીસ બની શખ્સે પરિવારને બનાવ્યો બંધક

ગુજરાતમાં કાયદો અને વ્યવસ્થાની સ્થિતિ કથડી હોય તેવું લાગી રહ્યું છે ત્યારે દ્વારકામાં અસામાજીક તત્વોનો આતંક સામે આવ્યો છે. પોતાને નકલી પોલીસની ઓળખ આપી એક માથાભારે શખ્સ પરિવારના ઘરમાં ઘૂસી ગયો હતો. બાદમાં પરિવારને બંધક બનાવી ઘરમાં રહેતી દીકરીનો વીડિયો બનાવ્યો હતો. 

યુવતીના માલિક પર આક્ષેપ લગાવતો વીડિયો બનાવ્યો

અવાર નવાર રાજ્યમાં નકલી પોલીસ બનીને બેઠેલા કેટલા અસાજીક તત્વો સામાન્ય નાગરિકોને હેરાન કરતા હોય છે અને તેમની પાસેથી પૈસા પડવતા હોય છે ત્યારે દ્વારકામાં એવો જ એક કિસ્સો સામે આવ્યો છે જેમાં બુધાભા ચાશિયા નામના માથાભારે શખ્સે પરિવારને તેના જ ઘરામાં બંધક બનાવ્યો હતો..એટલું જ નહીં યુવતી જે જગ્યાએ નોકરી કરે છે તેના બોસ સાથે યુવતીનો સંબંધ હોવાનો પણ આક્ષેપ કર્યો હતો. સાથે જ યુવતીના પરિવારને ધાક ધમકી આપી યુવતીનો મોબાઈલ છીનવી લઈને મોબાઈલમાંથી અગત્યના ડેટા પણ ટ્રાન્સફર કરી લીધા હતા. 

પીડિત યુવતીએ દ્વારકા પોલીસ સ્ટેશનમાં ફરિયાદ નોંધાવી

આ સમગ્ર ઘટના બાદ પરિવાર ગભરાઈ ગયો હતો અને બાદમાં યુવતી સહિત પરિવારે હિંમત કરી પોલીસ મથકમાં ફરિયાદ નોંધાવી હતી જેમાં માથાભારે શખ્સ નકલી પોલીસ બનીને આવ્યો હોવાનું સામે આવ્યું હતું, હાલ તો સમગ્ર મામલે દ્વારકા પોલીસ મથકમાં નકલી પોલીસ સામે ફરિયાદ નોંધાઈ છે અને પોલીસ પણ માથાભારે શખ્સે શોધવા માટે તજવીજ હાથ ધરી છે, ત્યારે દ્વારકામાં પોલીસની કામગીરી સામે અનેક સવાલો ઉઠી રહ્યા છે, દ્વારકામાં મથાભારે શખ્સોને પોલીસનો ડર જ નથી, આવા માથાભારે શખ્સો પર કડક કાર્યવાહી કેમ નથી કરાતી તે પણ એક સવાલ છે?