અરવલ્લી / એક સમયે સૂકી રહેલી નદી રાતોરાત છલકાઈ, ગુજરાતના આ જિલ્લાની નદીમાં આવ્યું ઘોડાપૂર, કોઝવે પણ પાણીમાં ગરકાવ 

• અરવલ્લીમાં મેશ્વો નદીમાં ઘોડાપૂર
• સરહદ વિસ્તારના કોઝવે પાણીમાં
• અરવલ્લીમાં ત્રણ દિવસમાં 15 ટકા વરસાદ

રાજસ્થાનમાં ભારે વરસાદથી મેશ્વો નદીમાં ઘોડાપૂર આવ્યું છે ગઇકાલ સુધીમાં સુકી પડેલી નદી રાતોરાત છલકાઇ ગઇ છે. ભારે વરસાદને લઈ શામળાજીના મેશ્વો ડેમમાં 2100 ક્યૂસેક પાણીની આવક થઇ છે.

અરવલ્લીમાં મેશ્વો નદીમાં ઘોડાપૂર

નદીમાં ઘોડાપૂર આવતા સરહદ વિસ્તારના અનેક કોઝવે પાણીમાં ગરકાવ થયા છે તેમજ નાપડા-ખેરાડી કોઝવે પણ ઓવરફ્લો થયો છે.ભારે વરસાદને કારણે મેશ્વો ડેમમાં પાણીની સારી આવક થવાથી ખેડૂતોને હવે સિંચાઈ માટે પાણી મળી રહેશે વાત કરવામાં આવે તો અરવલ્લી જિલ્લામાં ત્રણ દિવસમાં 15 ટકા વરસાદ પડવાથી નદી નાળા છલકાઈ ગયા છે અને ચેકડેમોમાં પાણીની સારી આવક થઈ છે. 

ગુજરાતમાં મેઘરાજાની ધમાકેદાર બેટિંગ 

ગુજરાતમાં મેઘરાજાની ધમાકેદાર બેટિંગ જોવા મળી રહી છે જેને કારણે રાજ્યના બધા ડેમોમાં પાણીની ભરપૂર આવક જોવા મળી રહી છે. નર્મદા જડેમની જળસપાટીમાં ફણ  વધારો થયો છે ડેમની સપાટી 119.41 મીટર પહોંચી ગઈ છે તેમજ  પાવર હાઉસના બધા યુનિટ બંધ કરવામાં આવ્યા છે. જો કે નર્મદા ડેમની ભયજનક સપાટી 138.68 મીટર છે.

શેંત્રુંજી ડેમ પણ પાણીથી છલોછલ 

બીજી તરફ ભાવનગરમાં આવેલ શેંત્રુંજી ડેમ પણ પાણીથી છલોછલ થઈ જતા ડેમનું પાણી પછી કેનાલમાં છોડવામાં આવ્યું હતું. કેનાલમાં હાલ 200 ક્યુસેક પાણી છોડવામાં આવ્યું છે. આપને જાણીને નવાઈ લાગશે કે 200 ક્યુસેક પાણી છોડ્યા પછી પણ ડેમમાં હાલ 200 ક્યુસેક પાણીનો જથ્થો છે. ભારે વરસાદને કારણે કાલે શેંત્રુંજી ડેમના 59 દરવાજાઓ પણ ખોલવામાં આવ્યા હતા. 

ઉકાઈ ડેમનો પાણીનો જ્થ્થો પણ વધી ગયો

સુરતમાં આવેલ ઉકાઈ ડેમનો પાણીનો જ્થ્થો પણ વધી ગયો જેના કારણે ડેમની જળસપાટી 338 ફૂંટ નજીક પહોચી ગઈ. ડેમમાં 1.43 લાખ ક્યુસેક નવા નીરની આવક થઈ જેથી હથનુર ડેમના 30 દરવાજા ખોલી ત્યા 80 હજાર ક્યુસેક પાણી છોડવામાં આવ્યું. ઉલ્લેખનીય છે કે ઉકાઈ ડેમના ઉપરવાસમાં સારો એવો વરસાદ નોંધાયો છે. જેમા કારણે 2 દિવસમાં ડેમની સપાટીમાં 4 ફૂંટ જેટલો વધારો થયો થયો છે. પરિણામે ખેડૂતોના સીંચાઈના પાણીની સમસ્યા પણ હવે સમાધાન આવશે. જેથી ખેડૂતોમાં આનંદનો માહોલ જોવા મળી રહ્યો છે.