કાર્યવાહી / જમ્મુ-કશ્મીરમાં વધુ એક ડ્રોન દેખાતા તોડી પડાયું, 5 કિલો વિસ્ફોટકો મળી આવતા મચ્યો હડકંપ

• અખનૂર સેક્ટરમાં હુમલાનું ષડયંત્ર નિષ્ફળ
• અખનૂર સેક્ટરમાં જોવા મળ્યુ ડ્રોન
• પોલીસે ડ્રોનને તોડી પાડ્યું

જમ્મુ-કાશ્મીરના કનાચક વિસ્તારમાં પોલીસે એક ડ્રોનને તોડી પાડ્યું છે. માનવામાં આવે છે કે વિસ્ફોટક સાથેનું આ ડ્રોન સરહદ પારથી મોકલવામાં આવ્યું હતું. જણાવી દઈએ કે જમ્મુ એરફોર્સ સ્ટેશન પર ડ્રોન એટેક થયાને એક મહિનો પણ પૂર્ણ થયો નથી અને આજે ફરી એકવાર ડ્રોન જોવા મળ્યું હતું. જોકે, રાહતની વાત એ હતી કે આ જોઈને પોલીસે ડ્રોનને તોડી પાડ્યું હતું. 

A drone was shot down in Kanachak area and explosive material was recovered. Details awaited: Jammu and Kashmir Police

— ANI (@ANI) July 23, 2021

પોલીસને 5 કિલો IED મળી આવ્યો 

ઉલ્લેખનીય છે કે, ડ્રોનમાંથી પોલીસને 5 કિલો IED મળી આવ્યો હતો. આ IED આતંકીઓ સુધી પહોંચાડવામાં આવી રહ્યો હતો પરંતુ તે પહેલા જ ભારતીય સેનાએ ડ્રોનને તોડી પાડ્યું હતું. એવી પણ જાણકારી પ્રાપ્ત થઈ છે કે, ડ્રોન 8 કિલોમીટર સુધી આંતરરાષ્ટ્રીય સીમાની અંદર આવ્યું હતું.

27 જૂને જમ્મુ એરફોર્સ સ્ટેશન પર ડ્રોન હુમલો

નોંધનીય છે કે 27 જૂને જમ્મુ એરફોર્સ સ્ટેશન પર ડ્રોન દ્વારા બે વિસ્ફોટ કરવામાં આવ્યા હતા. જો કે, આ વિસ્ફોટ મજબૂત ન હતા અને બે જવાનને સામાન્ય ઈજાઓ પહોંચી હતી. ત્યારબાદ, 29 જૂને વડા પ્રધાન નરેન્દ્ર મોદીએ ડ્રોન સહિ‌ત સુરક્ષાની દ્રષ્ટિએ એક ઉચ્ચ-સ્તરની બેઠક યોજી હતી.