જમ્મુ કાશ્મીરના અનંતનાગમાં આતંકવાદી સાથે અથડામણમાં આર્મી શ્વાન 'જૂમ' થયો ઘાયલ
આર્મી શ્વાન 'જૂમ'ની હાલત ગંભીર
'જૂમ' શ્રીનગરમાં આર્મી વેટનેરી હોસ્પિટલમાં દાખલ
અઢી વર્ષનો 'જૂમ' 10 મહિનાથી દેશની કરી રહ્યો છે સેવા
શ્વાનની વફાદારીની વાતો પૌરાણિક કાળથી થાય છે. કોઈ સવાલ કરે કે માલિકનો વફાદાર કોણ ? એટલે સૌ કોઈ શ્વાનનો ઉદાહરણ આપતા હોય છે. આપણા દેશ માટે શહીદ થવા માટે તૈયાર વફાદાર 'જૂમ' નામનો શ્વાન લડી રહ્યો છે જિંદગી સામે જંગ તેના વિશે વાત કરવાની છે.
જમ્મુ કાશ્મીરના અનંતનાગમાં આતંકિયોની ગોળીથી ઘાયલ થયો છે આર્મી શ્વાન જૂમ અત્યારે તેની હાલત ગંભીર છે. તેની તબિયત 24-48 કલાકથી નાજૂક છે અને તે શ્રીનગરમાં આર્મી વેટનેરી હોસ્પિટલમાં દાખલ છે. સોમવારે હોસ્પિટલના સિનિયર ડોક્ટરોના ઓબ્જર્વશન હેઠળ રાખવામાં આવ્યો છે.
'જૂમ' કઈ રીતે થયો ઘાયલ?
સોમવારના રોજ અનંતનાગમાં સુરક્ષા વીર જવાનો અને આતંકવાદીઓ સાથે થયેલા અથડામણમાં જૂમ નામનો જર્મન શેફર્ડ જાતનો શ્વાન ગંભીર રીતે ઘાયલ થયો હતો. અથડામણ દરમિયાન તેના પર ગોળીયોની વણજાર છવાતી હોવા છતા તે આંતકિયો સાથે મજબૂતાઈથી લડતો રહ્યો હતો.
'જૂમ'ની બહાદૂરીને સો સલામ
'જૂમ'ની બદાદૂરીને સૌ કોઈ દાદ દહી રહ્યા છે. આ શ્વાનની બહાદૂરીને ભારતીય સેના પણ બિરદાવી રહી છે. અત્યારે તો જૂમની હોસ્પિટલમાં સારવાર ચાલી રહી છે તેને મોઢાના ભાગે ગોળી વાગી છે અને પગના ભાગે ફ્રેકચર પણ થયો છે તેના પર પ્લાસ્ટર પણ કરવામાં આવ્યો અને મોઢાના ભાગેથી ગોળી નીકાળી ટાંકા પણ લઈ લીધા છે. ડોક્ટરોની ટીમ જૂમની સારવારમાં ખડેપગે છે.
'જૂમ' માટે કરો દુઆ...
મળતી માહિતી મૂજબ દક્ષિણ કાશ્મીરના તંગપાવા વિસ્તારમાં આતંકિયો ઘૂસ્યાની સૂચના મળતા તે અનુસંધાને સેનાએ સર્ચ ઓપરેશન શરૂ કર્યો હતો. સર્ચ ઓપરેશનમાં સેના સાથે જૂમ પણ હતો. હુમલા માટે ઉપયોગી શ્વાન મનાય છે. દેશ રક્ષક શ્વાન માટે સૌ કોઈ દુઆ કરી રહ્યા છે
અઢી વર્ષનો 'જૂમ' 10 મહિનાથી છે સેનામાં
જૂમ એ આતંકવાદીઓ પર હુમલા કરવા માટે જાણીતો છે. તેણે આતંકિયો ઉપર છલાંગ મારી હતી તે દરમિયાન તેને ગોળી વાગી હતી. જૂમએ આતંકવાદીઓ પર ભારે પડ્યો હતો અને મજબૂતાઈથી તે લડ્યો હતો. અઢી વર્ષનો જૂમ ભારતીય સેનાના 15 કૉર્પ્સની અસૉલ્ટ યુનિટમાં છેલ્લા 10 મહિનાથી છે. જૂમ ઘાયલ થવાની જાણકારી સેનાના ચિનાર કૉર્પ્સએ વીડિયો પોસ્ટ કરી આપી હતી.