વલસાડ  / પારડી નજીક પાર નદી કિનારે બંધ કારમાંથી મહિલાનો મૃતદેહ મળતાં ચકચાર, હત્યા કે આત્મહત્યા ? 

• વલસાડના પારડી નજીક પાર નદી કિનારા પર કારમાંથી એક મહિલાનો મૃતદેહ મળ્યો
• બંધ કારમાં મહિલાનો મૃતદેહ મળતા ચકચાર, પારડી પોલીસનો કાફલો સ્થળ પર
• મૃતક મહિલા વલસાડની એક ગુમ મહિલા હોવાની ચર્ચા

વલસાડના પારડી નજીક એક બંધ કારમાંથી આજની મહિલાની લાશ મળી આવી છે. વિગતો મુજબ આજે નદી કિનારા પાસે એક બંધ કારમાંથી મહિલાની લાશ મળી આવતા લોકોના ટોળાં ઘટનાસ્થળે ઉમટી પડ્યા હતા. આ દરમ્યાન પારડી પોલીસને જાણ કરવામાં આવતા પોલીસની ટીમ તાત્કાલિક સ્થળ પર પહોંચી હતી. જ્યાં મૃતકની લાશને પોસ્ટમોર્ટમ અર્થે મોકલી આપી આ અંગે વધુ તપાસ હાથ ધરી છે. 

વલસાડના પારડી નજીક આજે બપોરના સમયે એક મહિલાની લાશ મળી આવી હતી. પ્રાથમિક વિગતો મુજબ પાર નદીના કિનારે એક કાર બંધ પડેલી હાલતમાં હતી. જેમાં તપાસ કરતાં એક મહિલાનો મૃતદેહ મળી આવ્યો હતો. ઘટનાને લઈ પારડી પોલીસની ટીમ સ્થળ પર પહોંચીને તપાસનો ધમધમાટ શરૂ કર્યો છે. 

બંધ કારમાં મળ્યો મહિલાનો મૃતદેહ  

પારડી નજીક પાર નદીના કિનારે આજે બપોરના સમયે બંધ પડેલી કારમાંથી એક મહિલાનો મૃતદેહ મળી આવતા ચકચાર મચી ગઈ છે. આ તરફ હવે મૃતક મહિલા વલસાડની એક ગુમ મહિલા હોવાની ચર્ચા છે. જેને લઈ પારડી પોલીસે મહિલાના મોત મામલે તપાસ હાથ ધરી. સ્થાનિક ચર્ચા મુજબ મૃતક મહિલા મિત્રને મળવા જવાના બહાને ઘરથી નીકળી હતી અને હવે તેનો મૃતદેહ મળતા અનેક તર્કવિતર્ક સર્જાયા છે.