પાટણમાં દલિત પરિવારના આપઘાતના પ્રયાસમાં પરિવારની 12 વર્ષની દીકરીનું સારવાર દરમિયાન મોત, દીકરીનું મોત થતા દલિત સમાજના આગેવાનો ધારપુર હોસ્પિટલ બહાર એકઠા થયા
પાટણમાં પરિવારના આપઘાતના પ્રયાસનો મામલો
12 વર્ષની દીકરીનું સારવાર દરમિયાન મૃત્યુ
પરિવારના અન્ય 4 સભ્યોની સારવાર ચાલુ
પાટણના હારીજમાં SP કચેરી બહાર પરિવારે સામૂહિક આપઘાતનો પ્રયાસ કર્યો હતો.. જેમાં અમદાવાદમાં સારવાર લઈ રહેલી 12 વર્ષની દીકરીનું સારવાર દરમિયાન મોત નિપજ્યું છે. ત્યારે પોલીસની કામગીરી સામે અનેક સવાલો ઉઠી રહ્યા છે.. તો બીજી તરફ પરિવારમાં દીકરીનું મોત થતા દલિત સમાજના આગેવાનો પણ ધારપુર હોસ્પિટલ બહાર એકઠા થઈ રહ્યા છે.. દલિત સમાજના આગેવાનોએ પરિવારને પોલીસ દ્વારા ધમકી અપાયાના આક્ષેપ લગાવવામાં આવી રહ્યા છે. પરિવારે પોલીસમાં આપત્મવિલોપન મામલે લેખિત ફરિયાદ આપી હોવા છતા પોલીસે કોઈ કાર્યવાહી ન કરતા પરિવારે ઝેરી દવા ગટગટાવીને આપઘાતનો પ્રયાસ કર્યો હતો. સમગ્ર મામલે પોલીસ તંત્ર પણ દોડતું થઈ ગયું છે.
12 વર્ષની દીકરીનું સારવાર દરમિયાન મૃત્યુ
સમગ્ર ઘટના પર વિગતે વાત કરીએ તો પાટણ જિલ્લાના હારીજ તાલુકાના ખાખલ ગામે રહેતા રેવાભાઇની પત્ની-દીકરીને ભગાડી જનારા સામે ફરિયાદ નોંધાવી હતી.. જે બાદ તેઓ પાટણ મહિલા પોલીસ સ્ટેશન બહાર પોતાના કેસને લઈને આવ્યા હતા જો કે પરિવારને પોલીસ તરફથી સંતોષકારક જવાબ ન મળતા પરિવારના પાંચ સભ્યો સાથે ઝેરી દવા ગટગટાવી આપઘાતનો પ્રયાસ કર્યો હતો.. જેમાં આજે પરિવારમાં રહેલી 12 વર્ષની દીકરીનું મોત નિપજ્યું છે.. આપઘાતના પ્રયાસ બાદ પાંચેય સંભ્યોને સારવાર અર્થે ખસેડાયા હતા. જેમાંથી ત્રણ લોકોની હાલત વધુ ગંભીર હોવાનું સામે આવ્યું હતું.. જોકે પરિવારની દીકરીનું મોત નિપજતા પોલીસની કામગીરી પર અનેક સવાલો ઉઠી રહ્યા છે..