રાજસ્થાનનાં ઉદયપુરનાં જંગલોમાં બે દિવસ અગાઉ નગ્ન હાલતમાં યુવક-યુવતિના લાશ મળી આવી હતી. ત્યારે આ હત્યાને ભેદ ઉકેલવા માટે પોલીસે 50 સીસીટીવી અને 200 લોકોની પૂછપરછ હાથ ધરી હતી.
ઉદયપુરનાં જંગલમાંથી એક યુવક-યુવતીનો મૃતદેહ મળ્યો
પોલીસે 72 કલાકમાં હત્યાને ભેદ ઉકેલી દીધો
તાંત્રિત દ્વારા કરવામાં આવ્યા એક પછી એક ખુલાસા
18 નવેમ્બરનાં રોજ રાજસ્થાનનાં ઉદયપુરના કેલાબાવાડીના જંગલોમાં એક યુવક અને યુવતીની નગ્ન હાલતમાં લાશ મળી આવી છે. ત્યારે યુવકનો પ્રાઈવેટ પાર્ટ કપાઈ ગયો હતો. જ્યારે યુવતીના પ્રાઈવેટ પાર્ટમાં તીક્ષ્ણ હથિયાર વડે હુમલાના નિશાન પણ મળી આવ્યા હતા.
પોલીસને શંકા છે કે 30 વર્ષીય શિક્ષક રાહુલ મીના અને તેની 28 વર્ષની ગર્લફ્રેન્ડ સોનુ કુંવરની હત્યા ઓનર કિલિંગનો મામલો હશે. બંનેની જ્ઞાતિ, વાંધાજનક સ્થિતિ અને હત્યાની પદ્ધતિ જોઈને એવું લાગ્યું. જોકે, આ સ્ટોરીમાં એક પછી એક ચોંકાવનારા ખુલાસા થયા છે. વાંચો હૃદયદ્રાવક પ્રેમ, તાંત્રિક અને નિંદાની સંપૂર્ણ વાર્તા…
સોનું અને રાહુલ એકબીજાનાં પ્રેમમાં પડ્યા
સોનુ અને રાહુલના સંબંધીઓ ભાડવી ગુડા સ્થિત ઇચ્છાપૂર્ણ શેષનાગ ભાવજી મંદિરે આવતા-જતા હતા. અહીં જ રાહુલ અને સોનુ એકબીજાને ઓળખ્યા. બંને પહેલેથી જ પરિણીત હતા. તેમની મિત્રતા પ્રેમમાં બદલાઈ ગઈ અને બંને વચ્ચે ગેરકાયદેસર સંબંધો શરૂ થયા. આ સંબંધના કારણે રાહુલ તેની પત્ની સાથે ઝઘડો કરવા લાગ્યો હતો.
તાંત્રિક 7 થી 8 વર્ષ સુધી અહીંયા રહેતો હતો
રાહુલની પત્નિને આ વિશે કંઈ ખબર ન હતી, તેથી તેણે તાંત્રિક ભાલેશની મદદ લીધી, જેણે તેને રાહુલના સંબંધો વિશે બધું કહ્યું. આ પછી તાંત્રિકે પોતે જ સોનુ સાથે નિકટતા વધારી. તાંત્રિક ભાલેશ છેલ્લા 7-8 વર્ષથી અહીં રહેતો હતો અને તાવીજ બનાવી લોકોને આપતો હતો. તેણે ઘણી ઓળખ અને પ્રતિષ્ઠા મેળવી હતી.
રાહુલ અને સોનુએ બદનામ કરવાની ધમકી આપી
રાહુલને ખબર પડી તે તાંત્રિક તેની પત્નીને એના અને સોનુંનાં સબંધ વિશે જણાવ્યું છે અને બીજી તરફ તાંત્રિક સોનું સાથે નિકટવા વધારી રહ્યો હતો. ત્યારે બંનેએ તાંત્રિકને બદનામ કરવાની ધમકી આપી હતી. ત્યારે તાંત્રિકે તેની પ્રતિષ્ઠાને હાનિ ન પહોંચે તે માટે તાંત્રિકે તે બંનેને મોતને ઘાટ ઉતારવાનું નક્કી કર્યું.
તાંત્રિકે બોટલમાં ફેવીક્વિક બોટલમાં ભર્યું
તાંત્રિક ભાલેશ બજારમાં 50 રૂપિયાનું ફેવીક્વિક ખરીદીને બોટલમાં ભર્યું હતું. 15 નવેમ્બરની રાતે રાહુલ અને સોનુને સુખડિયા સર્કલ બોલાવ્યા હતા અને ત્યાર બાદ તે બંનેને જંગલમાં લઈ ગયો અને બંનેને તેની સામે સબંધ બનાવવા કહ્યું એ જ દરમ્યાન બોટલમાં ભરેલ ફેવિકોલ તેમની ઉપર નાંખી દીધું હતું. જે બાદ તાંત્રિક દ્વારા બંનેની હત્યા કરી હતી. ત્યારે ફેવિકોલનાં રાહુલ અને સોનું બંને આપત્તિજનક હાલતમાં મૃત મળી આવ્યા હતા.
તાંત્રિકે બંનેના પ્રાઈવેટ પાર્ટને ઈજાઓ કરી
બંને પર ફેવિકોલ નાંખ્યા બાદ ભાલેશે ચપ્પુ અને પથ્થરોથી ઘાયલ કરી દીધા હતા. યુવકનાં પ્રાઈવેટ પાર્ટને ચાકુથી કાપીને અલગ કરી દેવામાં આવ્યું હતું. યુવતિના પ્રાઈવેટ પાર્ટ પર પણ ઈજાઓ કરવામાં આવી હતી.
પોલીસે 50 સીસીટીવી અને 200 લોકોની પૂછપરછ કરી
ઉદયપુર પોલીસ દ્વારા આ મામલાને ગંભીરતાથી લીધો છે. પોલીસ દ્વારા 50 જેટલા સ્થળોનાં સીસીટીવી ફુટેજ ચેક કર્યા હતા અને 200 લોકોની પૂછપરછ કરી હતી. તપાસ દરમ્યાન મળેલ પુરાવાના આધારે 55 વર્ષીય તાંત્રિક ભાલેશકુમારની હિલચાલ શંકાસ્પદ જણાઈ હતી. પોલીસ દ્વારા તેની અટકાયત કરી પૂછપરછ કરતા તેણે હત્યાની કબુલાત કરી હતી. ત્યારે પોલીસે 72 કલાકમાં ભેદ ઉકેલી નાંખ્યો હતો. આ કેસમાં તાંત્રિકની ધરપકડ કરીને કોર્ટમાં રજૂ કરી રિમાન્ડની માંગણી કરવામાં આવી હતી.