સાચવજો / વડોદરામાં અમેરિકાથી આવેલ કપલને નીકળ્યો કોરોના: જુઓ શહેરમાં કેટલે પહોંચ્યો એક્ટિવ કેસનો આંક

• વડોદરામાં અમેરિકાથી આવેલું દંપતી કોરોના પોઝિટિવ
• અટલાદરામાં રહેતું દંપતી કેલિફોર્નિયાથી પરત આવ્યું હતું વડોદરા
• શહેરમાં કોરોનાના કુલ એક્ટિવ કેસની સંખ્યા 11 પર પહોંચી

ચીનમાં કોરોનાને લઈને વિકટ સ્થિતિનું નિર્માણ થયું છે. કોરોના સંક્રમણ અને કોરોનાથી થતા મોતનો આંકડો વધી રહ્યો છે. કોરોનાને લઈ ગુજરાતમાં તંત્ર એલર્ટ થઈ ગયું છે. વડોદરામાં અમેરિકાથી આવેલું દંપતી કોરોના પોઝિટિવ આવ્યું છે.

વડોદરામાં અમેરિકાથી આવેલું દંપતી કોરોના પોઝિટિવ
વડોદરામાં અમેરિકાથી આવેલું દંપતીનો કોરોના રિપોર્ટ પોઝિટિવ આવ્યો છે. અટલાદરામાં રહેતું દંપતી કેલિફોર્નિયાથી પરત વડોદરા આવ્યું હતું. વડોદરા શહેરમાં કોરોનાના કુલ એક્ટિવ કેસની સંખ્યા 11 પર પહોંચ્યું છે. કોરોનાનો એક દર્દી ગઈકાલે સયાજી હોસ્પિટલમાં દાખલ થયો છે.

ભાવનગરમાં ચીનથી પરત ફરેલો પરિવાર કોરોનામાં સપડાયો હતો
કોરોનાના ખતરા વચ્ચે ચાર દિવસ અગાઉ ભાવનગરમાં ચીનથી આવેલો પરિવાર કોરોના પોઝિટિવ આવ્યો હતો. પિતા-પુત્ર બાદ માતાનો રિપોર્ટ પણ આવ્યો કોરોના પોઝિટિવ આવ્યો હતો. 

રાજ્યમાં ગઈકાલે કોરોનાના 4 કેસ નોંધાયા
રાજ્યમાં ગઈકાલે કોરોનાના 4 કેસ નોંધાયા છે. અમદાવાદમાં 2 કેસ અને વડોદરામાં 2 વ્યક્તિ કોરોનાની ઝપટે ચડ્યા હોવાનું સામે આવ્યું છે. બીજી બાજુ ગઈકાલે રાજ્યના 31 જિલ્લાઓમાં એક પણ કોરોનાનો કેસ નોંધાયો નથી. જોકે આજે વડોદરામાં એક દંપતિનો રિપોર્ટ પોઝિટિવ આવ્યો છે.  રાજ્યમાં કોરોનાના કુલ 43 એક્ટિવ કેસો છે. જેમાં તમામ દર્દીઓ સ્ટેબલ હોવાનું જાણવા મળી રહ્યું છે. ઉપરાંત છેલ્લા 24 કલાકમાં 6,300 લોકોએ કોરોના પ્રતિરોધક વેક્સિન લીધી હોવાનું પણ સામે આવ્યું છે.

કોરોનાથી સજા થવાનો દર 99.13 ટકા
વિશ્વમાં કોરોનાના વધતા કહેર વચ્ચે ગુજરાતમાં  કોરોનાથી સજા થવાનો દર 99.13 ટકા છે. અત્યાર સુધીમાં 12,66,487 દર્દીઓએ કોરોનાને મ્હાત આપી છે. જોકે ચીન સહિતના દેશોમાં વકરી રહેલી કોરોનાની ઉપાધિ સામે ગુજરાતમાં સિંગલ ડિઝીટમાં કોરોનાના પોઝીટીવ કેસ નોંધાવાએ સારા સમાચાર સમાન છે પરંતું હાલની સ્થિતિએ સાવચેતી રાખવી ખૂબ જ અગત્યની છે.