વિશ્વના સૌથી અમિર દેશોમાં એક દેશમાં માત્ર 40 મિનિટ માટે જ સૂર્ય આથમે છે, રાત્રિના 40 મિનિટ બાદ રાત્રે આશરે 1.30 વાગ્યે આ દેશમાં સૂર્યના કિરણો આવી જાય છે, એટલે કે સવાર પડી જાય છે
નોર્વેને વિશ્વના સૌથી અમીર દેશોમાં ગણવામાં આવે છે
નોર્વેને કન્ટ્રી ઑફ મિડનાઇટ સન પણ કહેવામાં આવે છે
અહીં દુનિયાના અન્ય ભાગોની તુલનામાં ખૂબ ઠંડી પડે છે
પૃથ્વી પર ઘણી એવી ઘટનાઓ બનતી હોય છે, જેના વિશે આપણે જાણતા નથી હોતા. દરેક વસ્તુ એટલી સાધારણ નથી જેટલી આપણે સમજીએ છીએ. તમારામાંથી મોટાભાગના લોકો જાણતા હશે કે પૃથ્વી સૂર્યના ચક્કર લગાવે છે. આજ કારણે સમગ્ર વિશ્વમાં ઘણી જગ્યાએ દિવસ અને રાત્રિ અલગ-અલગ સમય પર થાય છે.
જ્યારે ભારતમાં સવારના 6 વાગ્યા હશે, તે સમયે અમેરિકામાં રાત થઈ રહી હશે. પરંતુ શું તમે જાણો છો કે દુનિયામાં એક એવો દેશ પણ છે, જ્યાં માત્ર 40 મિનિટ માટે જ સૂર્ય આથમે છે. સૌથી મોટી વાત કે 40 મિનિટ બાદ રાત્રે આશરે 1.30 વાગ્યે આ દેશમાં સૂર્યના કિરણો આવી જાય છે, એટલે કે સવાર પડી જાય છે. આજે અમે તમને આ દેશ વિશે જણાવશું.
આ દેશનું નામ છે નોર્વે. નોર્વે દુનિયાના નકશા પર યુરોપીય ખંડના ઉત્તરમાં છે. આ દેશ ઉત્તર ધ્રુવની ખૂબ નજીક છે, એટલે અહીં દુનિયાના અન્ય ભાગોની તુલનામાં ખૂબ ઠંડી પડે છે. નોર્વે આર્કટિક સર્કલમાં આવે છે, એટલે અહીં અજીબ ઘટનાઓ બને છે. આ ઘટના સમગ્ર વર્ષ દરમિયાન નથી બનતી. પંરતુ આ પ્રકારનું માત્ર અઢી મહિના માટે થાય છે. અઢી મહિના સુધી નોર્વેમાં રાત માત્ર 40 મિનિટની હોય છે. અહીં રાતના 12.43 પર સૂરજ આથમે છે અને 40 મિનિટ બાદ એટલે કે આશરે 1.30 વાગ્યે સૂર્યોદય થાય છે.
આ દેશને કન્ટ્રી ઑફ મિડનાઇટ સન કહે છે
આ પ્રકારની ઘટનાના કારણે સમગ્ર વિશ્વમાં નોર્વેને કન્ટ્રી ઑફ મિડનાઇટ સન પણ કહેવામાં આવે છે. તમે જાણીને હેરાન હશો કે મે મહિનાથી લઈ જુલાઈ સુધી આશરે 76 દિવસ સુધી નોર્વેમાં સૂરજ માત્ર 40 મિનિટ માટે આથમે છે. આટલા બધા દિવસ સુધી સૂરજ રહેવા છતા અહીં વધારે ગરમી નથી પડતી. કારણ કે નોર્વે ઉત્તરી ધ્રુવની ખૂબ નજીક છે એટલે અહીં ખૂબ જ વધારે ઠંડી પડે છે. આ દેશમાં બરફથી ઢંકાયેલા ઘણા પહાડો છે અને ગ્લેશિયર તો એટલા છે કે તમે હેરાન રહી જશો. નોર્વેની વધારે પડતી કમાણી ટૂરિઝમથી થાય છે. આજ કારણે નોર્વેને વિશ્વના સૌથી અમીર દેશોમાં ગણવામાં આવે છે.