તાનાશાહી / OMG! દુનિયાનો એવો દેશ જ્યાં લોકો નથી કરતાં ઈન્ટરનેટનો ઉપયોગ, કારણ જાણી લાગશે નવાઈ

હાલના જમાનામાં ઇન્ટરનેટ આપણા જીવનનો હિસ્સો બની ગયો છે ત્યારે દુનિયામાં એક દેશ એવો પણ છે કે ત્યાં ઇન્ટરનેટનો ઉપયોગ થતો નથી. આપણે જે દેશની વાત કરી રહ્યા છીએ તે દેશ ઉત્તર કોરિયા છે. આ દેશની અનેક બાબતો દુનિયા જાણતી નથી. કારણે કે તે બીજા દેશો સાથે કનેક્ટેડ જ નથી. ત્યાંનું પ્રશાસન ખૂબ કડક છે, જેમને દુનિયાથી અલગ રહેવાની નીતિ પણ આપનાવી છે. અહીંયા ઇન્ટરનેટનો ઉપયોગ સાવ સીમિત અને સામાન્ય લોકોની પહોંચની બહાર છે.

ઉત્તર કોરિયામાં ઈન્ટરનેટને બદલે સ્થાનિક નેટવર્ક એટલે કે ઈન્ટ્રાનેટનો ઉપયોગ કરવામાં આવે છે. આ ઈન્ટ્રાનેટ પર માત્ર સરકાર માન્ય વેબસાઈટ અને માહિતી જ ઉપલબ્ધ હોય છે. સામાન્ય લોકોને આ ઈન્ટ્રાનેટ દ્વારા ખૂબ જ મર્યાદિત ઈન્ફોર્મેશન મળે છે. ઉત્તર કોરિયાની સરકાર ઈન્ટરનેટ પર પ્રતિબંધ મૂકવા પાછળ અનેક કારણો રજૂ કરે છે. સરકારનું માનવું છે કે ઈન્ટરનેટથી લોકોના મનમાં ખોટા વિચારો આવી શકે છે, તેના કારણે શાસન વ્યવસ્થા કમજોર પડી શકે છે.

ઉત્તર કોરિયાની સરકાર નથી ઈચ્છતી કે તેના નાગરિકો બહારની દુનિયાના પ્રભાવમાં આવીને સરકારની વિરુદ્ધમાં જાય. ત્યાંની સરકાર એ સુનિશ્ચિત કરવા માંગે છે કે લોકોને એ જ માહિતી મળે જે સરકાર ઇચ્છે છે. તેમનું માનવું છે કે, ઈન્ટરનેટ દેશની સંસ્કૃતિ અને પરંપરાઓ માટે ખતરો છે જેથી તેમના લોકો માટે ઈન્ટરનેટનો ઉપયોગ કરવાની મનાઈ છે.

વધુ વાંચો : બાળકો નહીં વાપરી શકે સોશિયલ મીડિયા, મૂકાયો પ્રતિબંધ, બધે લાગુ પાડવાની જરુર

ઉલ્લેખનીય છે કે, ઉત્તર કોરિયામાં ઈન્ટરનેટના અભાવે ત્યાંના નાગરિકોને ઘણું નુકસાન વેઠવું પડે છે. ત્યાંના લોકોને દુનિયામાં બનતી ઘટનાઓ વિશે ખૂબ ઓછી માહિતી મળે છે. આ સાથે આપણી માફક ઇન્ટરનેટના માધ્યમથી તેમની જિંદગી પણ પણ આસાન નથી થઈ શકતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ