રજૂઆત / સરકારે THAKOR ને બદલે THAKORE લખવાની આપી સૂચના તો ઊભો થયો વિવાદ, પૂર્વ ધારાસભ્યએ CMને લખ્યો પત્ર

• મહેસાણા ઠાકોર સમાજના અંગ્રેજી સ્પેલિંગને લઈને વિવાદ
• બહુચરાજીના પૂર્વ ધારાસભ્ય ભરત ઠાકોરે મુખ્યમંત્રીને લખ્યો પત્ર
• THAKORE લખવા માટે અપાયેલો આદેશ તાત્કાલિક પરત ખેંચવાની માગ સાથે પત્ર

મહેસાણા ઠાકોર સમાજનાં અંગ્રેજી સ્પેલીંગને લઈને વિવાદ ઉભો થયો છે. ત્યારે સામાજિક અને શૈક્ષણિક રીતે પછાત વર્ગમાં આવતા ઠાકોર સમાજનાં અંગ્રેજી સ્પેલિંગને લઈને વિવાદ સર્જાયો છે. જેમાં સરકારે ઠાકોર સમાજના વિદ્યાર્થીઓના સર્ટિમાં THAKORને બદલે THAKORE લખવાની સૂચના આપી છે. 

બહુચરાજીનાં પૂર્વ ધારાસભ્યે મુખ્યમંત્રીને લેખિત રજૂઆત કરી
ગુજરાત સરકાર દ્વારા સામાજિક અને શૈક્ષણિક રીતે પછાત વર્ગમાં આવતા ઠાકોર સમાજનાં લોકોનાં સર્ટીમાં અંગ્રેજીમાં Thakor ની જગ્યાએ Thakore  લખવા માટે શિક્ષણ વિભાગને જે આદેશ આપવામાં આવ્યો છે તે તાત્કાલિક ધોરણે પરત લેવા જોઈએ. જે બાબતે બહુચરાજીનાં પૂર્વ ધારાસભ્ય ભરતજી એસ. ઠાકોરે મુખ્યમંત્રીને લેખિત રજૂઆત કરી છે.   

સરકારના નિર્ણયના કારણે લાખો સર્ટિફિકેટ સુધારવા પડે તેવી સ્થિતિ
જે બાબતે બહુચરાજીનાં પૂર્વ ધારાસભ્ય ભરત ઠાકોરે મુખ્યમંત્રીને પત્ર લખ્યો હતો. જેમાં તેઓએ THAKORE લખવા માટે અપાયેલો આદેશ તાત્કાલિક પરત ખેંચવાની માંગ કરી છે. પત્રમાં તેઓએ વધુમાં જણાવ્યું છે કે સરકારના નિર્ણયના કારણે લાખો સર્ટિફિકેટ સુધારવા પડે તેવી સ્થિતિ છે. તેમજ કેન્દ્ર-રાજ્ય સરકારની યાદીમાં પણ આ નિર્ણયને કારણે વિસંગતતા ઉભી થવાનો ભય વ્યક્ત કરાયો છે.  ઠાકોર સમાજના  પ્રતિનિધિ તરીકે ભરત ઠાકોરે આ નિર્ણય પરત ખેંચવા માંગ કરી હતી.