ધોરણ 9માં અભ્યાસ કરતા વિદ્યાર્થીને શિક્ષકે માર માર્યો
ક્રિકેટના સ્ટમ્પથી માર માર્યો હોવાનો આક્ષેપ
8 દિવસ પહેલાની ઘટનામાં આજે ફરિયાદ દાખલ કરાઇ
ગીર સોમનાથ જિલ્લાની એક શાળામાં વિદ્યાર્થીને માર મારવાની ઘટના સામે આવતા ચકચાર મચી ગઈ છે. પ્રાથમિક વિગતો મુજબ બાળક શાળામાંથી ભાગી જતાં શિક્ષકે માર માર્યોનો આક્ષેપ કરવામાં આવ્યો છે. જોકે આ ઘટના 8 દિવસ જૂની હોવાનું સામે આવ્યું છે. જેને લઈ હવે 8 દિવસ પહેલાની ઘટનામાં આજે શિક્ષક વિરુદ્વ ફરિયાદ દાખલ કરાઇ છે.
શું હતી સમગ્ર ઘટના ?
ગીર સોમનાથ જિલ્લામાં તાલાલા આલ્ફા નામની સ્કૂલમાં વિદ્યાર્થીને માર મારવાની ઘટના સામે આવી છે. ધોરણ 9માં અભ્યાસ કરતા વિદ્યાર્થીને શિક્ષકે માર માર્યો હતો. આ તરફ બાળક શાળામાંથી ભાગી જતા શિક્ષકે માર માર્યોનો આક્ષેપ કરવામાં આવી રહ્યો છે. આક્ષેપ મુજબ ક્રિકેટના સ્ટમ્પથી માર માર્યો હોવાને કારણે વિદ્યાર્થીને કોડીનાર સરકારી હોસ્પિટલમાં દાખલ કર્યો હતો.
8 દિવસ પહેલાની ઘટનામાં આજે ફરિયાદ દાખલ કરાઇ
તાલાલા આલ્ફા નામની સ્કૂલમાં વિદ્યાર્થીને માર મારવાની ઘટનામાં આજે 8 દિવસ બાદ ફરિયાદ દાખલ કરાઇ છે. ધોરણ 9માં અભ્યાસ કરતા વિદ્યાર્થીને શિક્ષકે માર માર્યો હોવાનો આક્ષેપ થતાં પંથકમાં ચકચાર મચી ગઈ છે. સમગ્ર મામલે હવે વિદ્યાર્થીના પિતાએ શાળાના શિક્ષક વિરુદ્વ ફરિયાદ કરી છે.