જૂની કાર લે-વેચ ડિપાર્ટમેન્ટના મેનેજરે પોતાના સાગરીત સાથે મળીને કંપનીની 12 જૂની કાર બારોબાર વેચી દીધા બાદ ૪૭.૧ર લાખ રૂપિયા ચાંઉ કરી લીધા હોવાનો કિસ્સો સામે આવ્યો છે. કર્ણાવતી વ્હીલ્સ કંપનીના યુઝ્ડ કાર ડિપાર્ટમેન્ટના મેનેજરે 12 કાર તેના ઓળખીતા બ્રોકરને વેચવા માટે આપી હતી. કાર વેચાઇ ગયા બાદ રૂપિયા કંપનીમાં જમા નહીં કરાવતાં ચીટિંગ આચર્યું છે. મેનેજર છ મહિના પહેલાં જ નોકરી પર લાગ્યો હતો, જ્યાં તેણે છેતરપિંડી આચરીને કંપનીને ૪૭.૧૨ લાખ રૂપિયાનો ચૂનો ચોપડ્યો છે.
ચીટિંગની ફરિયાદ
સાઉથ બોપલમાં આવેલા ઓર્ચીડ પેરેડાઇઝમાં રહેતા અને સિમ્સ હોસ્પિટલની બાજુમાં આવેલી કર્ણાવતી વ્હીલ્સ પ્રાઇવેટ લિમટેડમાં સેલ્સ હેડ તરીકે નોકરી કરતાં ઓર્ધો ચેટરજીએ બોડકદેવ પોલીસ સ્ટેશનમાં દિર્શલ સુરેશ પટેલ (રહે. પલ્લવ સોસાયટી, નરોડા) અને અર્પિત બિપનભાઇ (રહે. માઇભક્ત સોસાયટી, નરોડા) વિરુદ્ધ ચીટિંગની ફરિયાદ કરી છે. ઓર્ધો ચેટરજી સેલ્સ હેડ તરીકે કર્ણાવતી વ્હિલ્સ પ્રા.લિ.માં જોડાયા હતા, જ્યાં વર્ષ 2021માં તેમનું પ્રમોશન થતાં તે જનરલ મેનેજર બની ગયા હતા. કર્ણાવતી વ્હીલ્સ પ્રા. લિ. નવી હ્યુડાઇ કંપનીની કાર વેચવાની તેમજ કોઇ ગ્રાહકની જૂની કાર આપીને નવી કાર લેવા માગતા હોવાનું કામ કરે છે. જૂની કાર ખરીદવા તેમજ વેચવાનું કામ કંપનીનો યુઝડ કાર ડિપાર્ટમેન્ટ કરે છે. યુઝડ કાર ડિપાર્ટમેન્ટના મેનેજર તરીકે દિર્શલ પટેલ કામ કરતા હતા. દિર્શલે 14 નવેમ્બર, 2022થી નોકરી શરૂ કરી હતી, જ્યાં તેની કામગીરી જૂની કારની ખરીદ કિંમત નક્કી કરવાની તેમજ ખરીદેલી જૂની કાર બીજા ગ્રાહકને તેમજ ઓક્શન બ્રોકરને વેચવાની હતી. જૂની કાર ખરીદીના જે રૂપિયા આવતાં તેને કંપનીમાં જમા કરાવવાની જવાબદારી પણ દિર્શલ પટેલની હતી.
12 કારનો કોઇ હિસાબ નથી
નવી તેમજ જૂની કારના વેચાણનું ઓિડટ દર મહિને કંપનીના એકાઉન્ટ મેનેજર પ્રણવ દોશી સંભાળતા હતા. ફેબ્રુઆરીમાં પ્રણવ દોશીએ ઓર્ધો ચેટરજીને જણાવ્યુ હતું કે 12 કારનો કોઇ હિસાબ નથી. 12 કાર મામલે ઓર્ધો ચેટરજીએ યુઝ્ડ કાર ડિપાર્ટમેન્ટના હેડ દિર્શલ પટેલને ફોન કરીને પૂછ્યું તો તેણે જણાવ્યું કે તેણે અર્પિત સચાણિયા નામના બ્રોકરને કાર વેચવા માટે આપી છે. અર્પિતે અગાઉ કાર વેચી હતી, જેનું ઓનલાઇન ટ્રાન્ઝેક્શન કંપનીમાં થતું હતું, જેથી ઓર્ધોએ દર્શિલ પટેલની વાત પર વિશ્વાસ રાખ્યો હતો. દિર્શલે ઓફિસ આવવાનું બંધ કરી દીધુ હતું, જેથી ઓર્ધો ચેટરજીએ ફોન કરીને પૂછતાં તેના મામા બીમાર હોવાનું જણાવતો હતો. ઓર્ધો અવારનવાર ફોન કરીને દિર્શલને કાર વેચાઇ ગઇ હોય તો રૂપિયા જમા કરાવવા માટેનું કહેતો હતો, પરંતુ તે અલગ અલગ બહાનાં બતાવતો હતો. દિર્શલ તેના હાથ નીચે કામ કરતા આિશષ પટેલના ઘરે ગયો હતો અને અિર્પતની સહીવાળા 30 લાખની એમાઉન્ટ ભરેલા ત્રણ ચેક આપ્યા હતા. કંપનીએ ત્રણ ચેક બેન્કમાં જમા કરાવ્યા હતા. ચેક જમા કરાવ્યા બાદ બેન્ક તરફથી કંપનીને જાણવા મળ્યું હતું કે અિર્પતે સ્ટોપ પેમેન્ટ કરાવી દીધું છે. એકાઉન્ટ મેનેજર પ્રણવ દોશી અવારનવાર ફોન કરીને રૂપિયાની ઉઘરાણી કરતા હતા, પરંતુ દિર્શલ પટેલ કે પછી અિર્પત જવાબ આપતા નહીં, જેના કારણે ઓર્ધોએ બોડકદેવ પોલીસ સ્ટેશનમાં ૪૭.૧ર લાખના ચીટિંગની ફરિયાદ કરી હતી. બોડકદેવ પોલીસે આ મામલે ગુનો દાખલ કરીને તપાસ શરૂ કરી છે.