વિજ્ઞાન / લેબમાં બનશે 'મા'નું દૂધ, જાણો કેવી રીતે બજારમાં વેચાણ થશે

• બાયોમિલ્ક નામના એક સ્ટાર્ટઅપે સ્તનની કોશિકાઓમાંથી દૂધ તૈયાર કરવામાં સફળતા પ્રાપ્ત કરી
• દૂધમાં દરેક પ્રકારના પ્રોટીન, કાર્બોહાઈડ્રેટ, ફેટ, અને બાયોએક્ટિવ ઘટકો
• આ દૂધ શરીરના વિકાસ, મગજના વિકાસ માટે જે મદદ કરે છે

બાયોમિલ્ક નામના એક સ્ટાર્ટઅપે સ્તનની કોશિકાઓમાંથી દૂધ તૈયાર કરવામાં સફળતા પ્રાપ્ત કરી
કોઈપણ નવજાત બાળકના માનસિક અને શારીરિક વિકાસ માટે મમ્મીનું દૂધ શ્રેષ્ઠ માનવામાં આવે છે. વિજ્ઞાન પણ કહે છે કે નવજાત બાળકને 6 મહિના સુધી મમ્મીનું દૂધ જ પિવડાવવું જોઈએ. સાથે હવે ટેકનોલોજી પણ એ હદે આગળ વધી ગઈ છે કે જે હવે બાળકો માટે બ્રેસ્ટ મિલ્ક પણ તૈયાર કરવા પર પહોંચી ગઈ છે. બાયોમિલ્ક નામના એક સ્ટાર્ટઅપે સ્તનની કોશિકાઓમાંથી દૂધ તૈયાર કરવામાં સફળતા પ્રાપ્ત કરી લીધી છે. કંપનીનું કહેવું છે કે લેબમાં તૈયાર કરેલ આ દૂધ ધણું પૌષ્ટિક છે અને માં ના દૂધમાં જેટલા પણ પોષક તત્વો હોય છે એ બધા જ પોષક તત્વો આ દૂધમાં પણ છે.

દૂધમાં દરેક પ્રકારના પ્રોટીન, કાર્બોહાઈડ્રેટ, ફેટ, અને બાયોએક્ટિવ ઘટકો
કંપનીનું કહેવું છે કે આ દૂધમાં દરેક પ્રકારના પ્રોટીન, કાર્બોહાઈડ્રેટ, ફેટ, અને બાયોએક્ટિવ ઘટકો પણ છે. આ બધા જ તત્વો મમ્મીના દૂધમાં હોય છે. પણ આ બંને દૂધમાં એક જ તફાવત છે અને તે છે એન્ટિબોડીનો. આ કંપનીના કો ફાઉન્ડર અને ડોકટર લીલાએ ફોર્બ્સ સાથે વાત કરતાં જણાવ્યું છે કે અમારા દૂધમાં એન્ટિબોડી ના હોવા છતાં પણ આ દૂધમાં પ્રોડક્ટ ન્યૂટ્રિશનલ અને બાયોએક્ટિવ ઘટકો બીજા દૂધના પ્રમાણમાં ખૂબ જ વધારે છે. જે બ્રેસ્ટ મિલ્ક સાથે મળી આવે છે. 

આ દૂધ શરીરના વિકાસ, મગજના વિકાસ માટે જે મદદ કરે છે
તેમણે આગળ કહ્યું કે અમારું આ દૂધ શરીરના વિકાસ, મગજના વિકાસ માટે જે મદદ કરે છે તેવું બીજી કોઈ પ્રવાહી નથી કરી શકતું. તેમણે કહ્યું કે અમે આવનારા સમયના ત્રણ જ વર્ષમાં આ દૂધ બજારમાં મૂકી દઇશું. તેમના અનુભવ વિશે તેમણે વાત કરતાં કહ્યું કે મે પોતાના અનુભવને આધારે આ શરૂ કર્યું હતું. આ શરૂ કરવા પાછળનું મુખ્ય કારણ તેમનો દીકરો છે કારણકે તેમનો દીકરો પ્રીમેચ્યોર જન્મ્યો હતો. જેના કારણે તે બ્રેસ્ટ મિલ્ક લઈ જ ના શકયા. આ પછી તેમણે 2013માં એક લેબમાં સ્તનની કોશિકાઓમાંથી દૂધ બનાવવાનું શરૂ કર્યું. જેમાં તેમણે સફળતા મળી